2023 jylǵy 21 qazanda Respýblıka kúnin merekeleý aıasynda «Jańa Qazaqstan. Taza tabıǵat» respýblıkalyq ekologıalyq aksıasy josparlanǵan.
Aksıa barysynda aǵash kóshetterin otyrǵyzý da uıymdastyrylady, dep habarlaıdy Almaty-akshamy.kz.
Ekologıa jáne tabıǵı resýrstar mınıstrliginiń habarlaýygsha, is-sharanyń maqsaty - el halqyn óńirlerdiń ekologıalyq jaǵdaıyn jaqsartýda biriktirý.
Elordada aksıa S.Seıfýllın atyndaǵy Qazaq agrotehnıkalyq zertteý ýnıversıteti jáne L.N. Gýmılev atyndaǵy Eýrazıa ulttyq ýnıversıteti tabıǵat janashyrlary men stýdentteriniń qatysýymen ótkiziledi.
Osyndaı is-sharalarǵa tabıǵatqa janashyr urpaqty tartý jurtshylyq arasynda ekologıalyq sanany arttyrýǵa, osyndaı ekologıalyq bastamalardy damytýǵa múmkindik beredi.
Aksıa aıasynda Mınıstrlik saltanatty túrde aýmaqtyq ekologıa departamentterine 11 avtokólik tapsyrýdy josparlaýda. Bul ınspektorlardyń utqyrlyǵyn kúsheıtýge jáne ýaqtyly ekologıalyq zań buzýshylyqtardyń aldyn alýǵa múmkindik beredi.
«Barsha nıet bildirýshilerdi óz óńirlerindegi senbilikke qatysyp, týǵan ólke ekologıasyn jaqsartýǵa úles qosýǵa shaqyramyz. Elimizdiń tazalyǵyna birge at salysaıyq»! - delingen mınıstrliktiń habarlamasynda.