Satýǵa shyǵarylatyn ýaqyty Ulttyq banktiń saıtynda habarlanady.
Qazaqstan Ulttyq banki “Qazaqstandy monetalar arqyly tany” serıasy boıynsha WORLD PAINTING koleksıalyq monetasyn aınalymǵa shyǵarady, dep habarlaıdy Almaty-akshamy.kz
Kúmisten jasalǵan monetalardyń synamasy — 925/1000, túrli-tústi baspa tehnologıasy qoldanylǵan. Massasy — 62,2 gram, dıametri — 50 mm, daıyndaý sapasy — proof, nomınaly — 2 000 teńge, taralymy — 300 dana.
WORLD PAINTING koleksıalyq monetalary Dpartners art-agenttigimen kollaborasıalyq joba aıasynda shyǵarylady.
Qazaqstannyń halyqaralyq World Painting art-jobasyndaǵy fragmenti retinde Semeı polıgonynda ıadrolyq synaqtan zardap shekken sýretshi Káripbek Kúıikovtiń kógershin sýreti men Ábilhan Qasteevtiń nemeresi, sýretshi Dáýren Qasteev salǵan záıtún aǵashynyń butaǵy moneta dızaınyna negiz bolyp otyr.