Ol úshin «e-Salyq Business» arnaıy mobıldi qosymshasyndaǵy negizgi rejımdi tańdaý kerek
Kez kelgen basqa kásipkerlik qyzmet túrlerin júzege asyrý kezindegideı taksı nemese kýrerlik jetkizý qyzmetterin kórsetý kezinde de jeke kásipkerlikti tirkep nemese jaldamaly qyzmetker retinde rásimdelip, salyqtar men áleýmettik tólemderdi tóleý mindettelgen. Bul týraly Memlekettik kirister komıtetinde taǵy da eske saldy, dep habarlaıdy Almaty-akshamy.kz.
Bul talaptar jańadan engizilgen joq. Biraq barlyq taksı júrgizýshileri olardy oryndaı bermeıdi, óıtkeni olardyń pikirinshe, jeke kásipker retinde tirkelý birqatar mindettemelerdi týdyrady (salyqtardy, áleýmettik tólemderdi esepteý jáne deklarasıalardy tapsyrý).
Sondyqtan Memlekettik kirister komıteti mindettemelerdi oryndaý úshin «e-Salyq Business» arnaıy mobıldi qosymshasy negizindegi rejımdi tańdaýdy usynady. Onda salyq deklarasıasyn tapsyrýdyń qajettiligi joq, tabys salyǵynyń 1 paıyzy mólsherindegi mindettemelerdi jáne áleýmettik tólemderdi (zeınetaqy jarnalary, áleýmettik aýdarymdar jáne medısınalyq saqtandyrý) qosymshanyń ózi esepteıdi, -dep jazdy Azattyq Ruhy.
Osyǵan baılanysty, ınternet-platformalardy paıdalana otyryp qyzmet kórsetetin tulǵalarǵa salyq mindettemelerin oryndaýǵa kómektesý úshin MKK «e-Salyq Business» mobıldik qosymshasyn paıdalana otyryp, salyq rejımi negizinde pılottyq joba iske qosty.
Onyń aıasynda tikeleı ınternet-platformada jeke kásipkerlikti tirkeýge bolady, ınternet-platforma operatory tabysty tólegen kezde, taksıst (kýrer) tarapynan kelisim bolǵan jaǵdaıda tıesili salyqtar men áleýmettik tólemder ustap qalady jáne tóleıdi. Sodan keıin málimetter avtomatty túrde Memlekettik kirister komıtetine beriledi. Sondaı-aq kásipkerdiń ózi mobıldi qosymshanyń eseptegen salyqtary men áleýmettik tólemderin tóleıdi.
Bul jeke tulǵany salyq organdaryna barýdan tolyǵymen bosatady. Sondaı-aq, salyqtardy esepteý men tóleýdegi qatelikterdi boldyrmaıdy jáne taksı júrgizýshilerine qarjylyq júktemeni arttyrmaýǵa múmkindik beredi. Óıtkeni taksı júrgizýshisi deldaldarsyz platformadan tikeleı tapsyrys ala alatyndaı etip, bıznes-prosester retteledi.
Búgingi tańda «Iandeks.taksı» jáne ınternet-platformalardyń basqa operatorlarymen aqparattyq júıelerdi baptaý jumystary júrgizilýde, bul jumystar aıaqtalǵan soń zamattar erikti negizde pılottyq jobaǵa qosyla alady.