Júzdegen jaryq dekoratıvti konstrýksıalar, uzyn - sonar jarqyraǵan gırlándalar, 60 – tan astam jasandy shyrshalar, jaryq ılúmınasıalaryn ilý-osynyń barlyǵy Almatyny jańa 2024 jyldyń qarsańynda bezendiredi.
Bıiktigi 20 metr bolatyn Bas shyrsha Abaı alańynda ornatyldy, shyrshanyń shamdaryn jaǵý rásimi búgin (20 jeltoqsan) saǵat 19:00-de ótedi. Saltanatty is - shara qazaqstandyq estrada juldyzdary - Roza Rymbaeva, Mádına Sádýaqasova, Álı Oqapov, Mádı Rymbaev, «Jigitter», «Keshú», «Rıngo», «Shamıs» jáne t. b. toptardyń qatysýymen konserttik baǵdarlamaǵa jalǵasady.
Jańa jyldyq shyrshalar ár aýdannyń negizgi alańdarynda ornatylǵan: Almaly aýdany – «Astana» alańy, Abaı atyndaǵy QazUTZÝ aldyndaǵy alań, Alataý aýdany – «Almaty Arena» muz aıdyny aldyndaǵy alań, Áýezov aýdany-N. Sas atyndaǵy jasóspirimder teatry aldyndaǵy alań, Bostandyq aýdany – Tuńǵysh Prezıdent atyndaǵy saıabaq, Balýan Sholaq atyndaǵy sport saraıy, Jetisý aýdany – Serikov kóshesi, 2a, Medeý aýdany – «Halyq arena» MS aldyndaǵy alań, «Medeý» bıik taýly sport kesheni, Túrksib aýdany – Seıfýllın dańǵyly boıyndaǵy №6 oqýshylar úıi, Naýryzbaı aýdany – Shuǵyla sh/a, 347. Sondaı – aq, qalanyń qoǵamdyq keńistigi, jaıaý júrginshiler kósheleri-Panfılov, Jibek joly, magıstraldyq kósheler: Sátbaev kóshesi, Tóle bı kóshesi, Maılın kóshesi, Nazarbaev dańǵyly, Ál-Farabı dańǵyly, Abylaı han dańǵyly jáne t. b. jaryq kompozısıalarynyń biryńǵaı stılinde bezendirilgen.
31 jeltoqsanda jańa jyl qarsańynda «Astana» alańynda qazaqstandyq estrada juldyzdarynyń qatysýymen konsert ótkizý josparlanýda, onyń sońy merekelik otshashýǵa ulasady.
Budan basqa, megapolıstiń turǵyndary men qonaqtary úshin qalanyń barlyq aýdandaryn qamtıtyn Jańa jyldyq festıvál uıymdastyrylady. Festıvál baǵdarlamasynda halyqtyq karaoke, bı fleshmoby, baıqaýlar, spektáklder, estrada juldyzdarynyń qatysýymen jandy mýzyka, haskımen fotosessıalar, sheberlik synyptary men kórmeler, qalalyq meıramhanalar jáne kafelerdiń gastro- kornerleri (21-31 jeltoqsan aralyǵynda Abaı jáne «Astana» alańdary saǵat 16:00-den 21:00-ge deıin, 27-31 jeltoqsan aralyǵynda ár aýdannyń negizgi alańdarynda saǵat 16:00-den 21: 00-ge deıin) bolady jáne 25 jeltoqsanda Aıaz Atalar sherýi ótedi.