Jańa jyldyq is-sharalarǵa daıyndyq qyzý júrip jatyr. Elimizdiń barlyq turǵyndary merekeni qarsy alýǵa daıyndalýda.
Mereke oqıǵasyz ótýi úshin TJM jańa jyldyq is-sharalardy daıyndaý jáne merekeleý kezinde órt qaýipsizdigi sharalaryn qatań saqtaýdy eske salady, dep habarlaıdy aqshamnews.kz.
Aýqymdy merekelik is-sharalar ótkiziletin úı-jaılarda terezelerde torlar bolmaýy tıis, evakýasıalyq joldar bos bolýy kerek.
Shyrshany berik tirekke ornatý kerek, ol bólmeden shyǵýǵa kedergi keltirmeýi tıis. Shyrshany janǵysh oıynshyqtarmen bezendirmeńizder.
Úı-jaıda otshashýlardy, petardalardy jáne basqa da órt qaýipti áserlerdi paıdalanýǵa qatań jol berilmeıdi.
Pırotehnıkany ǵımarattardan, avtoturaqtardan 50 metrden jaqyn, elektr berý jelileriniń, shatyrlar men aǵashtardyń astynda iske qosýǵa jol berilmeıdi. Kámeletke tolmaǵandarǵa pırotehnıkany óz betinshe paıdalanýyna tyıym salynady. Sondaı-aq salútterdi qoldan, balkondar men lodjıalardan ushyrý qaýipti.
Sonymen qatar pırotehnıkalyq buıymdardy mamandandyrylǵan pavılondarda satyp alý qajet ekendigine nazar aýdaramyz. Pırotehnıkany, jaryqtandyrýdy, elektr gırlándalaryn jáne áshekeılerdi tıisti sertıfıkattyń bar ekenine kóz jetkizip satyp alyńyz.
Mereke kúnderi oqıǵasyz ótýi úshin órt qaýipsizdigi erejelerin saqtańyzdar:
- belgisiz óndiristiń elektr gırlándalary men pırotehnıkasyn satyp almańyzdar;
- qoldanar aldynda nusqaýlyqpen tanysyp, ony qatań saqtańyzdar;
- pırotehnıkany qatty jelde iske qosýǵa bolmaıdy;
- bir ýaqytta birneshe joǵary qýatty qurylǵylardy qosý arqyly elektr jelisin shamadan tys júktemeńizder;
- eger siz úıden ketseńiz nemese uıyqtaýǵa jatsańyz, gırlándtardy toqqa qosýly qaldyrmańyzdar;
- balalarǵa pırotehnıkalyq buıymdardy óz betinshe iske qosýǵa ruqsat bermeńizder;
- balalardy qaraýsyz qaldyrmańyzdar.