Elimizdegi ortasha jalaqy 312 myń teńge, al mektepterdegi muǵalimderdiń ortasha jalaqysy 343 myń teńgeni quraıdy.
Bul týraly QR Oqý-aǵartý mınıstri Asqat Aımaǵambetov aıtty, dep habarlaıdy Almaty-akshamy.kz.
«Biz jalaqy boıynsha 2019 jylǵy statısıka men 2022 jyldyń ekinshi toqsanyndaǵy statısıkany salystyrdyq. 2019 jyly elimizdegi ortasha jalaqy 168 myń teńge bolsa, orta bilim deńgeıi boıynsha ortasha jalaqymyz 115 myń teńgeni qurady. Iaǵnı, eldegi ortasha jalaqydan áldeqaıda tómen. 2022 jyldyń ekinshi toqsanynda elimizdegi ortasha jalaqy 312 myń teńge bolsa, orta bilim deńgeıi boıynsha ortasha jalaqy 343 myń teńgege jetti. Demek, ortasha jalaqydan sál joǵary. Bul – Prezıdenttiń alǵa qoıǵan tapsyrmasy», - dedi Asqat Aımaǵambetov Almaty bilim forýmy barysynda.
Mınıstrdiń aıtýynsha, 2023 jyldyń qańtarynan bastap muǵalimderdiń eńbekaqysy taǵy 25%-ǵa ósedi.
«Jalpy alǵanda, oqytýshynyń mártebesin kóterý jáne olar úshin ádetten tys fýnksıalarǵa tartpaý, jaýapkershilikti azaıtý, jalaqyny kóterý, JOO-lardyń akademıalyq erkindigimen jáne pedagogıkalyq mamandyqtar boıynsha bitirýshilerdi atestattaý júıesimen qatar, is-sharalar kesheni, bizge qajetti nátıje beredi. Men bolashaqqa jáne áriptesterimizdi mektepterge jumysqa tartý múmkindigine senimmen qaraımyn», - dedi mınıstr.