Astana qalasynda polıseıler mektep oqýshysynan telefon urlaǵan qalta urysyn ustady. Anyqtalǵandaı, oqıǵa mektep oqýshysy sabaqtan keıin úıine qaıtyp kele jatqan kezde bolǵan, dep habarlaıdy Aqshamnews.kz tilshisi.
Avtobýsqa miný barysynda ol adamdar kóp jınalǵan ortada qalyp, janynda bir er adam turǵan. Sátti paıdalanǵan kúdikti ózin de kólikke mingeli jatqandaı kórsetip, qyz balanyń kúrtesiniń qaltasynan Vivo markaly uıaly telefonyn bildirtpeı alyp, oqıǵa ornynan izin sýytqan.
Telefonnyń joǵalǵanyn qyz avtobýstan túser kezde ǵana baıqaǵan. Jedel-izdestirý is-sharalary barysynda polısıa qyzmetkerleri buryn sotty bolǵan 29 jastaǵy shetel azamatyn anyqtap, ustady.
Urlanǵan telefon tárkilenip, ıesine qaıtaryldy. Kúdikti ýaqytsha ustaý ızolátoryna qamaldy. Atalǵan derek boıynsha sotqa deıingi tergep-tekserý júrgizilip jatyr.