Jańa jyl túni qarsańynda «Astana» alańynda polısıanyń biriktirilgen kúshteriniń saptúzeýi ótti. Ony Almaty qalalyq Polısıa departamentiniń bastyǵy, polısıa general-maıory Arystanǵanı Zapparov júrgizdi, dep habarlaıdy Almaty-akshamy.kz Almaty qalalyq polısıa Departamenti Baspasóz qyzmetine silteme jasap.
«Ózderińiz biletindeı polısıanyń basty mindeti – qoǵamdaǵy turaqtylyqty, zańdylyq pen azamattardyń qaýipsizdigin qamtamasyz etý, sonymen qatar halyqpen sapaly jańa qarym – qatynas ornatý jáne halyqtyń senimine ıe bolý bolyp tabylady. Bizdiń qyzmetkerler – qoǵamnyń turaqtylyǵymen jerimizdiń qorǵany, tynyshtyqtyń saqshysy, memleket qaýipsizdiginiń kepili. Ár qyzmetker qylmyspen kúres jáne azamattardyń quqyqtary men zańdy múddelerin qorǵaý isine úlesin qosýda. Biz Otan aldynda qyzmettik boryshyn adal oryndaıtyn Departament qyzmetkerlerin maqtan tutamyz», - dedi, Arystanǵanı Zapparov.
Buryn habarlanǵandaı, qala polıseıleri qyzmettiń kúsheıtilgen nusqasyna aýystyryldy. Patrúldik jasaqtardyń sany ulǵaıtyldy, qyzmet kórsetý marshrýttary kúsheıtildi, jaıaý patrúldik qyzmetke Ulttyq ulannyń 300 áskeri tartyldy. Azamattar kóp jınalatyn oryndar men mádenı-oıyn-saýyq sharalary ótetin oryndar erekshe baqylaýda.
«Qurmetti áriptester! Almaty qalasy polısıa Departamenti basshylyǵy jáne óz atymnan barshańyzdy Jańa jyl merekesimen quttyqtaımyn! 2024 jyl yrys pen yntymaqtyń, bereke men baılyqtyń, beıbitshilik pen baqyttyń jyly bolsyn. Sizderge jáne otbasylaryńyzǵa zor densaýlyq, beıbit ómir jáne qoǵamdyq tártipti qamtamasyz etý, el tynyshtyǵyn qorǵaý jolyndaǵy qajyrly eńbekterińizge sáttilik tileımin!», – dedi, Almaty polısıasynyń basshysy.