Jeltoqsannyń 30-yna arnalǵan aýa raıy boljamy
«Qazgıdromet» RMK beısenbige arnalǵan kún raıynyń boljamyn jarıalady, dep habarlaıdy Almaty-akshamy.kz
Cınoptıkterdiń boljamyna sáıkes, 30 jeltoqsan kúni atmosferalyq aǵyndardyń ótýine baılanysty QR batysynda, shyǵysynda jáne ortalyǵynda kún qubylmaly bolady, qar jaýyp, jaıaý burqasyn soǵyp, jel kúsheıedi. Qazaqstannyń qalǵan aýmaǵynda kún jaýyn-shashynsyz bolady. Respýblıka boıynsha keı jerlerde tuman túsedi.
Atyraý oblysynyń soltústiginde, ortalyǵynda jaıaý burqasyn soǵyp, tuman túsedi, kóktaıǵaq bolady. Shyǵys Qazaqstan oblysynyń soltústiginde, shyǵysynda jaıaý burqasyn soǵyp, batysynda, ortalyǵynda jel kúsheıedi, jyldamdyǵy sekýndyna 15-20 metrge jetedi.
Jambyl oblysynyń soltústiginde, taýly, taý bókteri aýdandarynda tuman túsip, soltústik-shyǵysynda, taýly aýdandarda jeldiń jyldamdyǵy sekýndyna 15-20 metrge jetedi, kúndiz ekpini 23-28 m/s bolady. Túrkistan oblysynyń batysynda, taý bókterindegi aýdandarynda tuman túsip, kúndiz taýly aýdandarda jel 15-20 m/s jyldamdyqpen esedi.
Almaty oblysynyń soltústiginde, ońtústiginde tuman túsip, Alakól kólderi aýdanynda jeldyń jyldamdyǵy sekýndyna 18-23 metrge jetedi. Batys Qazaqstan oblysynyń soltústik-shyǵysynda tuman túsedi, oblystyń ońtústik-batysynda jel 15-20 m/s jyldamdyqpen soǵady.
Aqtóbe oblysynyń soltústiginde tuman túsip, kúndiz oblystyń ortalyǵynda jeldiń jyldamdyǵy sekýndyna 18 metrge jetedi. Qyzylorda oblysynyń ortalyǵynda tuman túsip, kúndiz jel 15-20 m/s jyldamdyqpen soǵady.
Qaraǵandy oblysynyń ońtústiginde tuman túsip, oblystyń ońtústik-batysynda jel 15-20 m/s-qa jetedi.
Aqmola, Soltústik Qazaqstan oblystarynyń ońtústiginde, Mańǵystaý oblysynyń batysynda, Qostanaı oblysynyń soltústiginde tuman túsedi.