Búdjet arqyly Qazaqstan halqynyń bárin ıpotekalyq nesıemen qamtý múmkin emes. Bul týraly Qarjy mınıstri Erulan Jamaýbaev aıtty, dep habarlaıdy Almaty-akshamy.kz QazAqparatqa silteme jasap.
Búgin Úkimet otyrysynan keıin BAQ ókilderi mınıstrden elimizde jańa ıpotekalyq memlekettik baǵdarlamanyń ázirlený múmkindigine qatysty saýal qoıǵan edi.
«Biz Otbasy bankiniń jarǵylyq kapıtalyn tolyqtyrý úshin mıllıardtaǵan qarjy bólemiz. Sonymen qatar jergilikti atqarýshy organdar arqyly jalǵa beriletin baspanaǵa da aqsha bólip kelemiz. Tek Otbasy banki arqyly ǵana óte kóp, ondaǵan ónim bar, qarap kórińizder. Búdjet arqyly búkil Qazaqstandy ıpotekalyq nesıemen qamtı almaımyz», - dep jaýap berdi Erulan Jamaýbaev.
Aıta keteıik, ıpoteka naryǵynda Otbasy banki kósh bastap tur. Ótken jyldyń qorytyndysy boıynsha ol qazaqstandyq ıpotekanyń jalpy úlesiniń 67%-yn bergen. Bul rette bank NPL-diń eń tómengi deńgeıin (90 kúnnen artyq merzimi ótken qaryzdar) saqtap qaldy, qazir ol – 0,08%, al bankter arasyndaǵy bul kórsetkishtiń ortasha deńgeıi 3,68%-ǵa teń.