Jańa ETJ qalanyń 2040 jylǵa deıingi Bas josparyna sáıkes ázirlendi.
Bas josparda megapolısti damytýdyń monoortalyq modelinen polıortalyqqa kóshý prınsıpi jatyr, dep habarlaıdy Almaty-akshamy.kz.
Osylaısha, 2030 jylǵa deıin qala ákimdiginiń jobalyq ofısi aıasynda 5 polıortalyq qurylady, olar: «Shyǵys qaqpalary», «Tarıhı ortalyq», «Soltústik», «Ońtústik-Batys», «Batys».
Polıortalyqtar - Almaty turǵyndary men qonaqtary, bıznes ókilderi umtylatyn qoǵamdyq jáne iskerlik belsendilik ortalyqtary. Megapolıs 2025 jylǵa qaraı bes arnaıy aımaqqa bólinedi.
Birinshisi - «Shyǵys qaqpasy». Atalǵan polıortalyq Talǵar jáne Qulja trakttary aýdanynda ornalasady. Bul ortalyq Almatynyń logıstıkalyq habyna aınalady, munda LRT stansıasy (jer ústi metrosy), BRT jelisi (júrdek avtobýs kóligi) salynady jáne bul polıortalyq kórme-oıyn-saýyq ornyna aınalady.
«Tarıhı ortalyq» Medeý aýdanynda, «Altyn alań» Baıtursynov kóshesi – Abaı – Zenkov – Jibek Joly dańǵyly shekaralarynda ornalasatyn bolady. Osy jerden barlyq ónerkásiptik kásiporyndar men arnaıy mekemeler qalanyń basqa aýdandaryna kóshirilip, tarıhı-mádenı mańyzy bar ǵımarattar qalpyna keltiriledi. Jalpy, osy polıortalyqta abattandyrý jalǵasady, velojolaqtar men velojoldar, kóptegen turaq oryndary paıda bolady.
«Soltústik» polıortalyǵy «Almaty-1» temirjol stansıasyna irgeles aýmaqta ornalasady. Munda qyzmet kórsetý salasy belsendi damıtyn bolady, qurylystarda birinshi qabattar shaǵyn bızneske jalǵa beriledi, kósheler tyǵyzq bolady, skverler salynady, ÚAK boıynda, burynǵy «Zelenstroı», Baým toǵaıynyń aýmaǵynda demalys oryndary jabdyqtalady.
«Ońtústik-batys» polıortalyǵynda (Raıymbek dańǵyly jáne Alataý kóshesi) shaǵyn ónerkásiptik parkter, saýda jáne logıstıka obektileri, ákimshilik-iskerlik ortalyqtar, al «Batys» polısıa ortalyǵynda («Almaty-3» jańa temirjol vokzaly jáne Boraldaı kentindegi kólik haby aýdany) barlyq qajetti ınfraqurylym júrgiziledi, onyń ishinde «Saq qorǵandary» etnografıalyq parkiniń aınalasynda.
Bul ortalyqta 90 ga jelilik rekreasıalyq saıabaq, jańa kópsalaly aýrýhana kesheni, ústel tenısi ortalyǵy jáne t.b. salý josparlanýda.
Eske salsaq, jańa ETJ-nyń negizgi maqsaty – ınfraqurylymnyń strategıalyq damýyn eskere otyryp, haotıkalyq qurylysty boldyrmaý jáne jer ýchaskelerin tıimdi bólý.
ETJ-da Almatynyń úzdik álemdik tájirıbeleri, geografıalyq jáne klımattyq erekshelikteri eskerildi. Olar turaqty jáne fýnksıonaldy qalalyq keńistikti qurýǵa baǵyttalǵan, qala qurylysyn aımaqtarǵa bólýdiń, qyzyl syzyqtardyń, halyqqa áleýmettik, mádenı jáne komýnaldyq qyzmet kórsetý obektilerin ornalastyrý úshin aýmaqtardy rezervteýdiń, kóshe-jol jelisin uıymdastyrýdyń, ınjenerlik komýnıkasıalardy trassalaýdyń, aýmaqtardy abattandyrý men kógaldandyrýdyń negizgi baǵyttaryn belgileıdi.