Áleýmettik, ınjenerlik, jol-kólik ınfraqurylymynyń belsendi damýynyń arqasynda jańa shaǵyn aýdandar bıznes-jobalardy iske asyrý úshin tartymdy bola bastady. Bul týraly «Jańa Almatyny» damytýdyń 2020-2024 jyldarǵa arnalǵan Keshendi josparyn iske asyrý qarqynyn dóńgelek ústelde saraptamalyq talqylaý barysynda aıtyldy dep habarlaıdy almaty-akshamy.kz
Dóńgelek ústelde sóılegen sózinde qalalyq Strategıa jáne búdjet basqarmasynyń basshysy Almas Batanov shet elderde bıznesti damytý «Jańa Almatyny» damytýdyń Keshendi josparynyń baǵyttarynyń biri ekenin atap ótti.
«Alty zaýyt pen alty saýda úıiniń qurylysy qarastyrylǵan. Barlyq nysandar boıynsha jaqsy dınamıka baıqalady, bul nysandar merziminde tapsyrylady. Osylaısha, alty ónerkásiptik kásiporynnyń beseýi iske qosyldy», - dedi Almas Batanov.
«Jańa Almaty» DKJ júzege asyrý aıasynda ótken jyly quny 28 mlrd teńge bolatyn «Hyundai Trans Kazakhstan» JSHS avtokólik quraldaryn shyǵaratyn zaýyt iske qosyldy. Sondaı-aq metal óńdeý jáne jyljymaly qorshaý konstrýksıalaryn, Avtomatty qaqpalardy óndirý boıynsha «Dor-Han-Almaty» JSHS zaýyty paıdalanýǵa berildi.
Qaǵaz súlgiler men maılyqtar shyǵaratyn «Papirone» JSHS jańa sehynyń qurylysy aıaqtaldy.
Sondaı-aq, Almas Batanov «Solnechnyı» JSHS sút zaýytyn jańǵyrtý aıasynda ónim assortımentin keńeıtý jáne tuzdyqtar, maıonezder men kechýpter óndirý, ósimdik maıyn quıý boıynsha keshen salý úshin qosymsha jabdyq satyp alynǵanyn habarlady. Kásiporynnyń qýattylyǵy jylyna 10 myń tonnadan 30 myń tonnaǵa deıin artady.
Aǵymdaǵy jyldyń sońyna deıin «Kaz-Dıa-Test» JSHS medısınalyq maqsattaǵy dıagnostıkalyq testilerdi óndirý zaýytyn iske qosý josparlanýda. Qazirgi kezde iske qosý-jóndeý jumystary, elektr jetkizý, jabdyqty ornatý júrgizilýde.
Qalanyń ónerkásiptik áleýetin damytý bızneske tıisti ınjenerlik ınfraqurylymy bar jer ýchaskeleri beriletin Indýstrıalyq aımaqty damytýmen tyǵyz baılanysty.