Áleýmettik ınfraqurylym men turǵyn úı qurylysynyń qarqyny týraly qalalyq Strategıa jáne búdjet basqarmasynyń basshysy Almas Batanov «Jańa Almaty» Keshendi damý josparyn júzege asyrý qarqynyn talqylaýǵa arnalǵan dóńgelek ústel barysynda aıtty dep habarlaıdy almaty-akshamy.kz
Túrksib aýdany, Jas Qanat shaǵyn aýdanynda 41 kóppáterli turǵyn úıdiń qurylysy júrgizilýde. Sonymen qatar, Shuǵyla, Alǵabas jáne Jas Qanat shaǵyn aýdandarynda salynyp jatqan 222 kópqabatty úıge ınjenerlik-kommýnaldyq ınfraqurylym júrgizildi.
Jańa Almaty shaǵyn aýdandaryn keshendi damytý mektepter, balabaqshalar men emhanalar salýdy kózdeıdi. Strategıa jáne búdjet basqarmasynyń basshysy Almas Batanovtyń aıtýynsha, qazirgi ýaqytta Alataý, Naýryzbaı jáne Túrksib aýdandarynda 7 mektep pen 12 jańa mektep korpýsynyń qurylysy júrip jatyr.
Balabaqshalardyń qoljetimdiligi máselesi sheshilýde. Sońǵy jyldary Almatyda bala týýdyń ósýi baıqalady, sondyqtan jas almatylyqtardy balabaqshalarda oryndarmen qamtamasyz etý úshin qala ákimdigi birneshe jyldan beri bilim berý mekemelerin jónindegi baǵdarlamany júzege asyryp keledi.
Taýsamaly jáne Aqjar shaǵyn aýdanynda 240 oryndyq eki balabaqsha paıdalanýǵa berildi. 2021 jyldyń jeltoqsan aıynda 120 oryndyq taǵy bireýi, al 2022 jyly Jas Qanat shaǵyn aýdanynda 280 oryndyq balabaqsha paıdalanýǵa beriledi.
Almas Batanov ákimdiktiń jeke bıznestiń áleýmettik ınfraqurylymdy damytýǵa qatysýyna jaǵdaı jasap otyrǵanyn atap ótti. Mysaly, jyl basynan beri jańa shaǵyn aýdandarda 4 658 oryndyq 72 jekemenshik balabaqsha ashyldy.
Budan basqa, Almaty ákimi Baqytjan Saǵyntaevtyń tapsyrmasy boıynsha sapaly medısınalyq qyzmettermen qamtamasyz etý maqsatynda shetki shaǵyn aýdandarda otbasylyq dárigerlik ambýlatorıalar ashylýda. Kemel shaǵyn aýdanyn ODA, «Balalarǵa shuǵyl medısınalyq kómek kórsetý ortalyǵy» qabyldaý bólimshesiniń jańa korpýsy, №7 MKA qabyldaý bóliminiń korpýsy salynýda.
Sonymen qatar, Saıaly, Qarasý, RV-90, Jas Qanat, Aqjar shaǵyn aýdandarynda jáne Aıbasov kóshesinde Qaraǵaıly shaǵyn aýdanynda 500 oryndyq emhananyń jáne №16 emhana ǵımaratynyń seısmoturaqtylyǵyn kúsheıtý qurylysy úshin jobalyq-smetalyq qujattama ázirlenýde.
Búginde №6 emhana men týberkýlezge qarsy dıspanserdi kúrdeli jóndeý jáne seısmıkalyq kúsheıtý aıaqtaldy.