Jedel aldyn alý is-sharasynyń barysynda Almaty turǵynynan esirtki oramasy tabyldy
Jambyldyq polıseıler Almaty turǵynynan psıhotroptyq esirtki zatyn tárkiledi, dep habarlaıdy Almaty-akshamy.kz Polisia.kz-ke silteme jasap.
14 qarashada “Refleks-2021” respýblıkalyq jedel aldyn alý is-sharasyn ótkizý barysynda Jambyl oblysynyń PD Esirtki qylmysyna qarsy is-qımyl basqarmasynyń qyzmetkerleri QR Ulttyq qaýipsizdik komıtetiniń Shekara qyzmeti qyzmetkerlerimen birlesip, “Iýs” atty qyzmettik ıtimen Qyrǵyz Respýblıkasy aýmaǵynan Qazaqstan Respýblıkasynyń memlekettik shekarasyn kesip ótý kezinde Qordaı beketiniń ótkizý pýnktinde Almaty qalasynyń turǵynynan jalpy salmaǵy 4 gram “Efıdron” psıhotroptyq zaty bar eki oramany taýyp, tárkiledi. Atalǵan derekke qatysty Qazaqstan Respýblıkasy Qylmystyq kodeksiniń 286-babynyń 4-bóligi jáne 296-babynyń 4-bóligi boıynsha sotqa deıingi tergeý amaldary bastaldy. Ustalǵan azamat kinásin moıyndap, Qordaı aýdanynyń ýaqytsha ustaý ızolátoryna qamaýǵa alyndy.