Oq-dárilerdiń qaldyqtary jan-jaqqa ushpaǵan.
Búgin 10 qazanda saǵat 7:20 shamasynda Jambyl oblysynyń Sarykemer aýylyndaǵy ınjenerlik oq-dáriler qoımasynyń aýmaǵynda buryn zaqymdanǵan jarylǵysh zattar órtendi. Bul týraly Qorǵanys mınıstrliginiń baspasóz qyzmeti málimdedi, dep habarlaıdy Almaty-akshamy.kz.
«Jarylys saldarynan oq-dárilerdiń qaldyqtary men bólshekteri jan-jaqqa ushpaǵan. Bul jumystan tys ýaqytta bolǵan. Jaqyn jerde adamdar bolmaǵan. Ǵımarattar men qurylystar zaqymdalmaǵan. Aýdandaǵy ahýal turaqty. Aldaǵy ýaqytta da bundaı jaǵdaılar bolýy múmkin. Odan bólek, qoıma aýmaǵynda qaýipti oq-dárilerdiń baqylanatyn jarylystary júrgiziletin bolady», - delingen habarlamada.
Qazirgi ýaqytta 26 tamyzynda órtengen qoımanyń tehnıkalyq aýmaǵyn jarylǵysh zattardan tazartý jumystary jalǵasýda.