Japonıyanyń Vakayama prefekturasyndaǵy Kısı stantsıyasynda "Yontama" esímdí ala mysyq vokzaldyń tolyqqandy "bastyǵy" bolyp taǵaıyndaldy, dep habarlaıdy Aqshamnews.kz tílshísí.
Resmı derekke sáıkes, jańa "stantsıya bastyǵyn" 7 qańtarda saltanatty túrde tanystyrǵan. Taǵaıyndau turaly aqparat vokzaldyń resmı saıtynda jarıyalanǵan. Mysyqqa jańa mártebesí jazylǵan arnaıy medalon tabystalyp, ol qarǵybauyna taǵylǵan.
Yontama būl qyzmette Nıtama esímdí mysyqty almastyrdy. Būrynǵy stantsıya "bastyǵy" byltyr qarashada qaıtys bolǵan. Endí Yontamanyń míndetíne jolaushylardy qarsy alu, túrlí ís-sharalarǵa qatysu jáne stantsıyadaǵy kóńíl kúıdí kóteru kíredí. Sondaı-aq oǵan ekí "orynbasar" tanystyrylyp, olar taǵylymdamadan ótetíní aıtyldy.
Aıta keteıík, Kısı stantsıyasynda mysyqty "bastyq" etu dástúrí 2007 jyly Tama atty mysyqtan bastalǵan. Ol aımaqqa turısterdí tartyp, shaǵyn temírjol tarmaǵyn qaıta jandandyruǵa yqpal etkení habarlanǵan.