Jambyl oblysyndaǵy Gvardeısk áskerı qalashyǵyndaǵy gospıtálde merzimdi áskerı qyzmetke shaqyrylǵan sarbaz qaıtys boldy, dep habarlaıdy Almaty-akshamy.kz QazAqparat-qa silteme jasap.
«2022 jyldyń 22 sáýirinde Gvardeısk áskerı qalashyǵyndaǵy gospıtálde qatardaǵy jaýynger Qalbaı Álibek Salamatuly qaıtys boldy. Tańerteń sapta turǵan jaýynger kenetten esinen tanyp qalǵan. Áskerı qyzmetshige qajetti medısınalyq kómek kórsetilgenmen, ol esin jımaǵan kúıi qaıtys bolǵan», - delingen Qorǵanys mınıstrliginiń «QazAqparat» agenttigine bergen jaýabynda. Belgili bolǵandaı, jas jigit bıyl kóktemde Mańǵystaý oblysynan merzimdi áskerı qyzmetke shaqyryldy.
«Sarbazdyń ólimine qatysty tekserý jumystary bastaldy. Qorǵanys mınıstrliginiń basshylyǵy men Qarýly kúshterdiń jeke quramy Qalbaı Álibek Salamatulynyń týǵan-týystary men jaqyndaryna qaıǵyryp kóńil aıtady», - dep atalyp ótken vedomstvo habarlamasynda.