Jambyl atyndaǵy Qazaq memlekettik akademıalyq fılarmonıasy 2024 jylǵy 89-shy jańa maýsymnyń ashylýyna oraı konserttik baǵdarlamalar tizimin usynady, dep habarlaıdy aqshamnews.kz.
2024 jyldyń 15 qyrkúıek kúni saǵat 18:00-de Jambyl atyndaǵy Qazaq memlekettik akademıalyq fılarmonıasynyń úlken zalynda jańa maýsymnyń resmı túrde ashylýy konserti ótetinin habarlaımyz! Keshte fılarmonıanyń jetekshi solıseri óner kórsetip, tyńdarmanǵa umytylmas mýzykalyq áser syılaıtyn bolady. Óner kórsetetin fılarmonıa solıseri: Qazaqstannyń eńbek sińirgen ártisi, «Parasat» jáne «Qurmet» ordenderiniń kavaleri - Ǵabıt Nesipbaev (organ), QR eńbek sińirgen qaıratkeri, kompozıtor - Gúljan Ózenbaeva (fortepıano), QR eńbek sińirgen qaıratkeri - Aıda Aıýpova (skrıpka), QR Mádenıet qaıratkeri - Erjan Álimbetov (dombyra), Mádenıet salasynyń úzdigi - Maqpal Qazybekqyzy (dástúrli ánshi), Mádenıet salasynyń úzdigi - Gúlnara Qurambaeva (fortepıano), halyqaralyq baıqaýlardyń laýreattary – Erkebulan Saparbaev (skrıpka), Dınara Bazarbaeva – Sahaman (skrıpka), Maıa Sepp (fortepıano), Musa Kerimbaev (vıolonchel), Janqoja Aıapov (dástúrli ánshi), Birjan Báziljan (dástúrli ánshi), Ádil Nesipbaev (organ, fortepıano), Ermek Qurmanaev (vıolonchel).
Jańa konserttik maýsym shymyldyǵynyń ashylý keshine sizderdi de qýana shaqyramyz!
2024 jyldyń 21 qyrkúıek kúni saǵat 18.00-de Jambyl atyndaǵy Qazaq memlekettik akademıalyq fılarmonıasynyń Úlken zalynda «BAH, ego predshestvennıkı ı sovremennıkı» D.Býkstehýde – I.S.Bah atty organ mýzykalyq konserttik maýsymynyń ashylýy ótetinin qýana habarlaımyz! Ashylý saltanatynda organ aspabynyń sheberi, Qazaqstannyń eńbek sińirgen ártisi, «Parasat» jáne «Qurmet» ordenderiniń ıegeri - Ǵabıt Nesipbaev óner kórsetedi. Organ mýzykasy - organ aspabymen oryndalatyn mýzykalyq janr túri. Aspaptyń ózine tán erekshe dybysyn, belgili kompozıtorlar ártúrli janrlarda, sonyń ishinde klasıkalyq mýzykada qoldanady. Dál osy keshte baroko dáýiriniń uly kompozıtorlarynyń organ mýzykalary oryndalmaq. Jańa maýsymnyń ashylýy baroko dáýiriniń eki uly kompozıtory - Dıtrıh Býkstehýd pen Iogann Sebastán Bahtyń shyǵarmashylyǵyna arnalady. Onyń organǵa arnalǵan vırtýozdy týyndylary ekspresıvti úılesimdiligimen erekshelenedi.Organ mýzykasynyń jańa maýsymyndaǵy ashylý sátiniń qonaǵy bolýǵa sizdi de shaqyramyz!
2024 jyldyń 24 qyrkúıek kúni saǵat 19:00-de «Open Spain» halyqaralyq baıqaýynyń laýreaty Memlekettik qaraǵaıly úrmeli aspaptar kvıntetiniń konserttik maýsymynyń ótetindigin habarlaımyz. Bıyl atalǵan kvıntettiń 20 jyldyq mereıtoıy qosa toılanady. Konserttiń kórkemdik jetekshisi: Qazaqstannyń eńbek sińirgen qaıratkeri - Janat Ermanov. Kesh qonaqtary Qazaqstannyń eńbek sińirgen qaıratkeri – Amır Tebınıhın(fortepıano, Germanıa), Qyrǵyz Respýblıkasynyń Halyq ártisi - Ernıs Asanalıev(skrıpka, Qyrǵyzstan). Konsert baǵdarlamasynda álemdik mýzyka mádenıetiniń altyn qoryn quraıtyn kórnekti k ompozıtorlardyń shyǵarmalary oryndalady. Jańa maýsymnyń ashylýynda kvıntettiń súıikti tyńdarmandaryna arnalǵan fleıta, goboı, klarnet, fagot jáne valtorna dybystarymen erekshe baǵdarlama usynylady!
2024 jyldyń 25 qyrkúıek kúni saǵat 19.00-de Jambyl atyndaǵy Qazaq memlekettik akademıalyq fılarmonıasynyń Úlken zalynda QR Memlekettik úrmeli aspaptar orkestriniń LXXXV maýsymashar konserti ótetinin habarlaımyz. Orkestrdiń kórkemdik jetekshisi jáne bas dırıjeri - QR eńbek sińirgen qaıratkeri, «Qurmet» ordeniniń kavaleri Qanat Ahmetov. Keshtiń basty qonaǵy Taıvan memleketinen arnaıy keletin solıs - IE SHÝ HAN (trýba). Jáne de konsert qatysýshylary - Qazaqstannyń eńbek sińirgen qaıratkeri - Igor Blagodarnyı, Halyqaralyq baıqaýlardyń laýreaty - Bereke Eńkebaeva.
Qazaqstan Respýblıkasynyń Memlekettik úrmeli aspaptar orkestri óziniń jańa konserttik maýsymynyń ashylǵanyn qýana habarlaıdy. Klasıkalyq shyǵarmalardyń sheberligimen tanymal ujym óner súıer qaýymǵa erekshe baǵdarlama usynady. Orkestrdiń kórkemdik jetekshisi ári dırıjeri Qanat Ahmetovtyń aıtýynsha, orkestrlik quram ámbebap aspaptardyń sheberligin elitken baǵdarlamada syıdyryp, súıikti tyńdarmanyna usynýdy asyǵa kútedi. Búgingi kúni 30-ǵa tarta otandyq kompozıtor partıtýralary Evropa elderiniń baspalarynda jaryq kórdi. Sonymen qatar, QR Memlekettik úrmeli aspaptar orkestriniń kompakt-dıskileri Vena men Taıvanda shyǵaryldy. Sahna sańlaqtarynyń áýezdi áýenine qanyq bolyp, jańa maýsymdaǵy úrmeli aspaptarmen daıarlanǵan konsertke qýana sizderdi de shaqyryp, aqparattyq qoldaý berýlerińizdi suraımyz.
2024 jyldyń 27 qyrkúıek kúni saǵat 19.00-de Jambyl atyndaǵy Qazaq memlekettik akademıalyq fılarmonıasynyń úlken zalynda T.Ábdirashev atyndaǵy Qazaqstan Respýblıkasy Memlekettik akademıalyq sımfonıalyq orkestriniń jańa konserttik maýsymynyń ashylýy ótedi. Orkestrdiń kórkemdik jetekshisi jáne bas dırıjeri - Qanat Omarov. Konsertke B.Baıqadamov atyndaǵy Memlekettik hor kapelasy qatysady. Kórkemdik jetekshisi jáne bas dırıjeri: Qazaqstannyń eńbek sińirgen qaıratkeri – Beıimbet Demeýov.
Konserttik baǵdarlamada mýzyka tarıhyndaǵy eń uly shyǵarmalardyń biri – Lúdvıg van Bethovenniń №9 sımfonıasy oryndalady. Shyǵarma- bostandyq, baýyrmaldyq, qýanysh uǵymyn tyńdarmanǵa taza únmen jetkizedi. Maestro Qanat Omarovtyń jetekshiligimen orkestr men hor solıseri, tyńdaýshylarǵa ómirlik qundylyqtardy sezdirip qana qoımaı, barynsha taqyrypty tarqata jetkizetini sózsiz. Mýzykadan mán izdeı bilgen qaýym úshin orkestrdiń árbir óneri ómirsheń bolyp estiledi.
2024 jyly 29 qyrkúıek kúni saǵat 18.00-de Jambyl atyndaǵy Qazaq memlekettik akademıalyq fılarmonıasynyń N.Tilendıev atyndaǵy kameralyq zalynda Ǵ. Jubanova atyndaǵy Memlekettik ishekti aspaptar kvartetiniń jańa konserttik maýsymynyń ashylýy ótedi. Kórkemdik jetekshisi – Qazaqstannyń eńbek sińirgen qaıratkeri – Ernar Myńtaev. Baǵdarlamada: L.Bethoven – kvartet №14 opýs. 131, D.Shostakovıch - kvartet №12 opýs. 133 Á.Ábdinurov – «Dýdaraı» shyǵarmalary oryndalady. İshekti aspaptar kvartetiniń alǵashqy quramy 1988 jyly Almaty qalasynyń Ahmet Jubanov atyndaǵy mýzyka mektebinde qurylǵan bolatyn. Búginde shyǵarmashylyq ujymda oryndaýshylardyń tórtinshi býyny qyzmet etýde. İshekti kvartettiń negizin salýshy, ujymnyń kórkemdik jetekshisi, respýblıkalyq jáne halyqaralyq baıqaýlardyń laýreaty, sheber vıolonchelshi - Ernar Myńtaev. Memlekettik kvartet Qazaqstannyń eń úzdik kameralyq ansámblderiniń biri bolyp sanalady. Onyń joǵary oryndaýshylyq deńgeıi, vırtýozdyq tehnıkasy, dybys sulýlyǵy, stıldi tylsym sezinýi jáne bıik ansámbldik mádenıeti birden nazar aýdartady. Uzaq jyldar boıy óz mádenıetimen tanylǵan kvartettiń taǵy bir maýsymashar konsertine qýana qonaq bolýǵa shaqyramyz!
2024 jyldyń qazan aıynyń 1-shi juldyzynda saǵat 19:00-de B.Baıqadamov atyndaǵy Memlekettik hor kapelasynyń jańa maýsymnyń ashylýyna arnalǵan konserti ótetindigin habarlaımyz! Respýblıkaǵa eńbegi sińgen ujym, Búkilodaqtyq baıqaýdyń laýreaty atanǵan Memlekettik hor kapelasy Jambyl atyndaǵy Qazaq memlekettik fılarmonıasynyń quramyna 1935 jyly kirdi. Iaǵnı, dál bıyl hor kapelasy 85 jyldyq mereıtoıyn atap ótýde. B. Baıqadamov atyndaǵy Memlekettik hor kapelasynyń repertýarynda shetel klasıkteri men elimizdiń sańlaq kompozıtorlary B.Baıqadamov, E.Rahmadıev, Ǵ.Jubanova, M.Saǵatov, S.Muhamedjanov, J.Tursynbaevtyń shyǵarmalary berik oryn alǵan. Osyndaı shyǵarmashylyq-kórkemdik áleýeti bıik kapela ujymy Qazaqstanda ǵana emes, shetel sahnalarynda da óner kórsetip keledi.
Keshte Qazaqstannyń halyq ártisi ıegerleri - Roza Rymbaeva, Aıgúl Úlkenbaeva, Ramazan Stamǵazıev qonaq bolyp, óz ónerin kórsetetin bolady. Baǵdarlamada qazaq jáne shetel kompozıtorlarynyń shyǵarmalary oryndalady. Memlekettik hor kapelanyń keremet keshine kýá bolyp, aqparattyq qoldaý berýlerińizdi suraımyz!