Jıhaz jasaýshy usta almatylyqtardy birneshe mıllıon teńgege aldap ketti
Alataý aýdandyq polısıa basqarmasy 29 jastaǵy Almaty oblysynyń turǵynyna qatysty QR QK-niń 190-baby 3-bóligi boıynsha qylmystyq isti tergep jatyr, dep habarlaıdy Almaty-akshamy.kz Polisia.kz-ke silteme jasap.
«Er adam Instagram áleýmettik jelisinde jıhaz óndirisindegi basqa adamdardyń sýretterin alyp paraqsha ashqan. Sonymen qatar, kúdikti bul jumystardy óziniki retinde usynyp, jıhazdy naryq baǵasynan áldeqaıda tómen baǵaǵa jasap berýdi usynǵan. Ol klıentterdiń qońyraýy boıynsha ólsheýge barady, júz paıyz aldyn ala tólemdi ala otyryp, jalǵan kelisimshart jasaǵan. Jedel is-sharalar qoldanylyp, kúdikti qamaýǵa alyndy. İsti qaraý barysynda D.esimdi azamat kem degende 14 epızod jasaǵany úshin ustaldy. Zardap shekkenderdiń tizimi budan da kóp bolýy múmkin ekendigin joqqa shyǵarmaımyz. Kúdiktiniń basqa da qylmystarǵa qatysy bar-joǵyn anyqtaý jumystary jalǵasýda», – dedi Alataý aýdandyq polısıa basqarmasynyń bastyǵy İlıas Ómirserikov.
Osy adamnyń áreketinen zardap shekken azamattardy polıseıler myna telefon nómirleri arqyly habarlasýǵa shaqyrady: 227-55-02; 8-708-380-54-00; 8-708-374-74-25.