Qujat jobasy 1 shildege deıin qoǵamdyq talqylaýda bolady.
QR Qarjy naryǵyn retteý jáne damytý agenttigi jeke tulǵalardyń bereshegin óndirip alýshy kolektorlyq kompanıalardyń óteý erejelerin ázirlegen, onyń ishinde qaryzdy tolyq keshirý de bar, dep habarlaıdy Almaty-akshamy.kz
1 shildege deıin qoǵamdyq talqylaýda bolatyn qujat túbi qabyldanatyn bolsa, qaryz alýshy azamat nesıe tóleý merzimin, onyń ishinde ósimpul men aıyppuldy ózgerte otyryp, keıinge qaldyrý jáne bólip tóleý kezeńderinen ótýi kerek bolady.
Ol kezde tólemdi keıinge qaldyrý nemese qaryzdy keshirý týraly ótinishti kimder bere alady? Olar:
AITV-ınfeksıasy saldarynan eki aıdan astam múgedek, III toptaǵy múgedekter, týberkýlezben aýyratyndar;
jaqyn týystary aýyrǵan nemese qaıtys bolǵan qaryz alýshylar;
apat, órt, sý tasqyny, úshinshi tulǵalardyń zańsyz áreketterinen zardap shekkender;
ortasha aılyq tabysy 30% tómendegen resmı tirkelgen jumyssyzdar;
halyqtyń áleýmettik jaǵynan osal toptaryna jatqyzylǵan nemese otbasynda osyndaı mártebege ıe múshesi bar jumyssyzdar.
Sonymen qatar, jańa ereje jeke tulǵalarǵa qaryzyn óteý úshin kepilge qoıylǵan múlikti óz betinshe satýǵa nemese satyp alýshyǵa boryshtyq mindettemelerin bere otyryp satýǵa ruqsat etýdi kózdeıdi.
Sol sekildi, óndirip alynǵan múlikti kolektorlyq agenttikke berýge de ruqsat etilýi múmkin.