Atyraý, Aqtóbe, Batys Qazaqstan jáne Soltústik Qazaqstan oblystarynda sý tasqynyna qarsy is-sharalar, sý tasqyny saldaryn joıý jáne halyqqa kómek kórsetý boıynsha jumystar jalǵasýda.
Batys Qazaqstan oblysynyń Aqjaıyq, Báıterek, Bórli, Terekti aýdandarynda Jaıyq ózeniniń sý deńgeıine monıtorıń jalǵasýda, sý deńgeıi birtindep tómendep jatqany baıqalady. Qazirgi ýaqytta úılerdi sý basý oqıǵasy tirkelgen joq. Saıajaıda qalyp qoıǵan turǵyndardyń bar-joǵyn tekserý úshin aralaý jumysy jalǵasýda, dep habarlaıdy Almaty-akshamy.kz Tótenshe jaǵdaılar mınıstrligine silteme jasap.
Atyraý qalasynda Jaıyq ózeni boıyndaǵy yqsham aýdandarda jáne Erkinqala, Almaly, Atyraý, Damby, Qaıyrshaqty aýyldyq okrýgterinde jáne Bereke aýylynda bógetterdi nyǵaıtý jumystary úzdiksiz júrgizilip jatyr. Uzyndyǵy 229,6 km qorǵanys bógetterin nyǵaıtý júrgizildi.
Qyzylorda, Mańǵystaý oblystarynyń tótenshe jaǵdaılar departamentteriniń jeke quramy jáne TJM Qaraǵandy qalasy
52859 áskerı bóliminen qurylǵan jıyntyq toptardyń kómekke kelgen kúshteri men quraldary sý tasqynyna qarsy is-sharalar júrgizý úshin Batys Qazaqstan oblysynan Atyraý oblysyna jiberildi.
Soltústik Qazaqstan, Atyraý jáne Aqtóbe oblystarynda 5 987 turǵyn úı men 2 584 aýla aýmaǵynan sýdyń baǵyty burylyp, sý soryldy. Respýblıka boıynsha 31 416 adam óz úılerine oraldy.
8 560 adam, onyń ishinde 3 717 bala evakýasıalaý pýnktterinde.
11,9 mln astam tekshe metr erigen qar sýy soryp shyǵaryldy, 5,6 mln qapshyq jáne 1,5 mln astam tonna ınertti materıal tóseldi.
Jedel jeli telefonyna 2 216 qońyraý tústi.
Avarıalyq-qutqarý jáne sý tasqynyna qarsy jumystarǵa 31 myńnan astam adam, 4 myń tehnıka, 763 sý sorý quraly, 298 júzý quraly, 14 áýe kemesi jumyldyryldy.