Bıylǵy jyldyń sońyna deıin «Samal-1» shaǵyn aýdanyndaǵy Memlekettik mýzeı janyndaǵy skverdi rekonstrýksıalaýdy aıaqtaý josparlanýda.
Bul týraly Almaty ákimi Erbolat Dosaevtyń Medeý aýdany turǵyndarymen ótken kezdesýinde aıtyldy, dep habarlaıdy Almaty-akshamy.kz.
«Osy jyldyń tamyz aıynda «Samal-1» shaǵyn aýdanyndaǵy «Jýrnalıser» skverin rekonstrýksıalaý bastaldy. Jumystardy osy jyldyń sońyna deıin aıaqtaımyz. Sizderdiń ótinishterińiz boıynsha «Alataý» shaǵyn aýdanynda Ibragımov kóshesi boıynsha skeıt-parktiń qurylysy bastaldy (2023 jylǵy 25 tamyz). Jumystardy osy jyldyń sońyna deıin aıaqtaımyz», - dedi E.Dosaev.
Qoǵamdyq keńistikterdi damytý sheńberinde Tereńqurdaǵy sý aıdynyn rekonstrýksıalaý úshin jobalaý-smetalyq qujattama ázirlenýde. Jobalaý-smetalyq qujattamanyń aıaqtalý merzimi – osy jyldyń jeltoqsan aıy.
Sonymen qatar, Tereńqurdy aǵymdaǵy jóndeý jumystary júrgizilýde. Jumystardy osy jyldyń sońyna deıin aıaqtaý kózdelgen.
Medeý aýdanynda jaıly qalalyq orta qurý úshin 122 joba iske asyrylýda. Búgingi tańda 15 aýla aýmaǵy abattandyryldy, 7 úıdiń fasady jańartyldy,13 jerústi (8 shyǵys aınalma jol boıynsha – jóndeý) jáne jerasty (5, onyń ishinde 3 – gıdrooqshaýlaý, 2 – jóndeý) jaıaý júrginshiler ótkelderin jóndeý aıaqtaldy. 4 avtomatty sýarý júıesin rekonstrýksıalaý jáne 2 qoǵamdyq keńistikti abattandyrý aıaqtaldy. Qalǵan 81 joba boıynsha (65 aýla, 16 úıdiń fasady) jumystar osy jyldyń qazan aıynyń sońyna deıin aıaqtalady