Bul másele arnaıy keńes barysynda talqylandy.
Oqý-aǵartý mınıstri Asqat Aımaǵambetov oblystar men respýblıkalyq mańyzy bar qala ákimderiniń orynbasarlarymen, QR IIDM Qurylys jáne turǵyn úı-kommýnaldyq sharýashylyq isteri komıtetiniń ókilderimen keńes ótkizdi. Kún tártibinde «Jaıly mektep» ulttyq jobasynyń pılotyn iske asyrý máseleleri qaraldy, dep habarlaıdy Almaty-akshamy.kz.
Mınıstr jetekshilik etetin ákim orynbasarlarynyń aqparatyn tyńdady.
Oblystar men Astana, Almaty jáne Shymkent qalalary ákimdikteriniń ókilderimen jaıly mektepter salý úshin jer telimderin bólý, jobalyq qujattaryn daıyndaý, sondaı-aq ınjenerlik-kommýnıkasıalyq ınfraqurylymmen, ıaǵnı elektrmen, sýmen, jylýmen qamtamasyz etý máseleleri talqylandy. Sonymen qatar káriz, kireberis joldar, jańa mektepterge trotýarlar, qoǵamdyq kólikpen qamtamasyz etý, aıaldamalar jáne t.b. máseleler qaraldy.
Zańnamalyq turǵyda mektep salý máselesi ákimdikterdiń quzyrynda. Biraq Oqý-aǵartý mınıstrliginiń ókilderi aýqymdy jobanyń júzege asyrylýyn baqylaýda ustaıtynyn atap ótti.
«Jaıly mektep» jańa ulttyq jobasy boıynsha keminde 800 myń oqýshy ornyn paıdalanýǵa berý jáne apatty, úshaýysymdy mektepter men oqýshy ornynyń tapshylyǵy máselelesin sheshý josparlanǵan.