Elimizde jyl basynan beri qarjy pıramıdalarymen baılanysy bar 9 myńǵa jýyq saıt pen akkaýnt buǵattalǵan.
25 qarjy pıramıdasy joıylyp, jábirlenýshilerge 8,3 mlrd teńge qaıtaryldy, dep habarlaıdy Almaty-akshamy.kz.
Muny Prezıdent qabyldaýynda bolǵan Qarjylyq monıtorıń agenttiginiń tóraǵasy Janat Elımanov málimdedi. Sondaı-aq qarjylyq barlaý qyzmeti esirtki satatyn 15 ınternet-dúkendi áshkerelegen. Olardyń jalpy saýda aınalymy 4,4 mlrd teńge bolypty.
Bul materıaldar İshki ister mınıstrligi men Ulttyq qaýipsizdik qyzmetine joldanǵan. Janat Elımanov 25 uıymdasqan qylmystyq toptyń joly kesilip, 300 mlrd teńgeden astam aktıv qaıtarylǵanyn da aıtty. Al aqshany qolma-qol shyǵarýmen aınalysatyn 119 toptyń qyzmetine tosqaýyl qoıylǵan.
Memleket basshysy alaıaqtyq áreketteri men qarjy pıramıdalarynyń jolyn kesý boıynsha jumysty jalǵastyrýdy tapsyrdy.