«Altyn Orda» bazarynyń burynǵy basshylyǵy áli tabylmady.
Almaty oblysy polıseıleri kúdiktilerdi anyqtaý jáne ustaý maqsatynda birqatar jedel izdestirý sharalaryn júrgizýde, dep habarlaıdy Almaty-akshamy.kz.
«Altyn Orda QazTrade LTD» JSHS basshylyǵy D.A Ábdiǵaparov jáne basqa qyzmetkerleri jasaǵan asa iri kólemde qarajat jymqyrý faktisi Qarasaı aýdandyq polısıa basqarmasynda tirkelgen. QR Qylmystyq kodeksiniń 190-babynyń 4-bóliginiń 2-tarmaǵy boıynsha sotqa deıingi tergep-tekserý júrip jatyr. Tergeý nátıjesi boıynsha 2022 jyldyń 17 qazanynda Qylmystyq is júrgizý kodeksiniń 45-baby 7-bóligi 3-tarmaǵy negizinde sotqa deıingi tergep-tekserý merzimi úzilip qaldy (kúdikti adamdardy izdeýge baılanysty)», - deıdi Almaty oblystyq polısıa departamenti bastyǵynyń orynbasary Arman Tilenshın.
Aıtýynsha, qazir departament qyzmetkerleri kúdiktilerdi anyqtaý jáne ustaý maqsatynda birqatar jedel izdestirý sharalaryn júrgizip jatyr
Ózge málimetter Qylmystyq is júrgizý kodeksiniń 201-babyna sáıkes jarıa etýge jatpaıdy.
Almaty mańyndaǵy «Altyn orda» bazarynyń burynǵy basshylyǵyna osy jyldyń qańtarynda halyqaralyq izdeý jarıalanǵanyn esterińizge salamyz.
Aıta keteıik, 1982 jyly týǵan Danıar Ábdiǵaparovqa, 1982 jyly týǵan Jumadın Patovqa, 1984 jyly týǵan Qanat Jaqaevqa, sonymen qatar 1986 jyly týǵan Aıdos Nurqalıevqa Qylmystyq kodekstiń 190-baby boıynsha halyqaralyq izdeý jarıalandy.