Mınıstr órt sóndirýshi Asqar Zabıkýlın men Aıan Kempırovtyń emi qalaı júrip jatqanyn bildi
Iýrıı Ilın paryzyn óteý kezinde zardap shekken órt sóndirýshilerdiń jaǵdaıyn surap aýrýhanaǵa bardy, dep habarlaıdy Almaty-akshamy.kz QR TJM baspasóz qyzmetine silteme jasap.
TJ mınıstri Iýrıı Ilın adamdardy qutqarý barysynda zardap shekken elordalyq órt sóndirýshiler Asqar Zabıkýlın men Aıana Kempirovtiń jaǵdaıyn bilý úshin aýrýhanada bardy.
Iýrıı Ilın órt sóndirýshiler Asqar Zabıkýlın men Aıan Kempırovtyń emi qalaı júrip jatqanyn bildi. Qyzmetkerlerdiń týystary men jaqyndarymen kezdesip, olarǵa shydamdylyq, tabandylyq jáne tez saýyǵyp ketýin tiledi. Mınıstr aýrýhananyń bas dárigerinen – dári-dármektiń emdelýge jetkilikti me, joq pa, barlyq qajetti dári-dármekterdiń bar ekenin bildi.
Qazirgi ýaqytta Asqar Zabıkýlın №1 kópsalaly qalalyq aýrýhananyń reanımasıa bóliminde em qabyldap jatyr, kúıik aýdany 80%, jaǵdaıy óte aýyr dep baǵalanady.
Taǵy bir zardap shekken № 10 órt sóndirý bóliminiń bólimshe komandıri Aıan Kempirov kombýstıologıa bóliminde em qabyldap jatyr, kúıik aýdany-7-10%.
Aýrýhanaǵa barǵan kezde Mınıstr № 10 órt sóndirý bóliminiń bólimshe komandıri Aıan Kempirovke Qazaqstan Respýblıkasy Prezıdentiniń Jarlyǵymen berilgen İİİ dárejeli «Aıbyn» memlekettik nagradasyn tapsyrdy.
«Maǵan Memleket basshysy joǵary senim bildirip, óz atynan birinshiden, qyzmettik boryshyn oryndaý kezinde kórsetken batyldyǵyńyz úshin alǵys aıtý tapsyryldy. Sizdiń tez saýyǵyp ketýińizdi tileımin. Sonymen qatar osy jerde turǵan dárigerlerge jedeldigi men ýaqtyly atqarylǵan jumystary úshin alǵys aıtqym keledi. Olardyń aıtýynsha jaǵdaıyńyzda jaqsarý dınamıkasy bar», - dep aıtty Iýrıı Ilın.
Memlekettik nagradany tabys ete otyryp Iýrıı Ilın Aıan Kempirovtiń anasyna balasyna osyndaı tárbıe bergeni úshin alǵysyn bildirdi.
Sonymen qatar, TJ mınıstri Iýrıı Ilın men Astana qalasynyń ákimi Altaı Kólginov Asqar Zabıkýlınniń otbasyna baryp, úsh bólmeli páterge sertıfıkat tabys etti. Páter demeýshilik qarajat esebinen beriledi. Sonymen qatar, órt sóndirýshi Aıan Kempirovtyń otbasyna ıpotekany óteýge kómek kórsetiletini atap ótildi. Eki otbasyna da nesıelerin óteýge kómektesý týraly sheshim qabyldandy.
TJM-niń myńdaǵan ujymy da Asqar Zabıkýlınniń tezirek saýyǵyp ketýine úmittenedi, ony ja Qazaqstan Respýblıkasy Prezıdentiniń Jarlyǵymen berilgen İ dárejeli «Aıbyn» memlekettik nagradasy kútedi.