Sharıǵatymyzda ıttiń eti, silekeıi nájis, haram bolyp sanalady.
Óıtkeni ıt azý tisti jyrtqysh ańdardyń qataryna jatady.
Bul týraly Almaty-akshamy.kz Muftyat.kz-ke silteme jasaı otyryp habarlaıdy.
Ol jóninde Paıǵambarymyz (oǵan Allanyń salaýaty men sálemi bolsyn):
«Azý tisti árbir jyrtqysh ańdy jeý – haram», – degen.
Sondaı-aq, ıtti satyp aqshasyn paıdalaný haram ekendigine baılanysty Alla elshisi (oǵan Allanyń salaýaty men sálemi bolsyn) bylaı degen:
«Itti satyp tapqan tabysy – haram».
Endi ıttiń maıyn emdik maqsatta paıdalanýǵa kelsek, Hanafı mázhabynda jeýge tyıym salynǵan janýarlardyń eti jáne taǵy basqa nárselerimen emdelýge bolmaıdy.
Ibn án-Nýjaım ál-Hanafı: «Haram nárselermen emdelý ǵalymdardyń arasynda tartysty másele. Alaıda «áz-Zahıra» kitabynda: «Haramnan basqa esh em tabylmasa jáne ol aýrýǵa em bolatyny naqty bolsa, onymen emdelýge ruqsat», – degen.
Al Paıǵambarymyzdyń (oǵan Allanyń salaýaty men sálemi bolsyn) «Alla Taǵalanyń haram etken nárselerinde senderge shıpa joq», – degen hadısi emi joq nárselerdi ǵana qamtıdy. Sol úshin ǵalymdar adal ári taza dári tabylmaǵan jaǵdaıda ǵana dáriger ıttiń maıyn jaǵýǵa keńes berse oǵan ruqsat bergen.
Sondyqtan ádil ári senimdi musylman dáriger aýrýdyń jalǵyz emi – ıttiń maıyn jaǵý jáne onyń esh zıany joq degen qorytyndy jasaǵan jaǵdaıda ári onyń ornyn basatyn halal dári tabylmasa, onda ony emdik maqsatta qoldanýdyń oqasy joq.