81 balany ıt qapqan.
Oqý-aǵartý vıse-mınıstri Edil Ospannyń aıtýynsha, ákimdikter qańǵyǵan ıt máselesin durys sheship otyrǵan joq, dep habarlaıdy Almaty-akshamy.kz
Búgin Senat kýlýarynda Oqý-aǵartý vıse-mınıstri Edil Ospan balalardy buralqy ıtter talap jatqanyn, bul máseleni ákimdikter sheshýi kerek ekenin, búginde buǵan barlyq múmkindik bar ekenin aıtty.
Vıse-mınıstr ár memlekettik organ óz jumysyn atqarý kerek ekenin, ákimdikter balalardy qańǵyǵan ıtterden qorǵaýdy qamtamasyz etýi kerek ekenin basa aıtty.
"Aýlaýǵa bolady, qańǵyǵan ıtterge qatysty sharalar qarastyrylǵan emes pe edi? Osyny baqylaýǵa alyp, jumysty uıymdastyrý kerek. Biz basqa memlekettik organdar aldynda másele kóterip otyrmyz. 81 bala zardap shekti, úsheýi kóz jumdy. Túrkistan, Aqtóbe oblystary, Almaty qalasynda. Búgingi kúni barlyq múmkindik bar, ýákiletti memlekettik organdar (qaıǵyly jaǵdaılarǵa – red.) jol bermeýi kerek Sondyqtan barlyq memlekettik organdardy balalardyń quqyǵyn qorǵaý úshin tıisti sharalar qabyldaýǵa shaqyramyz", dedi Edil Ospan.
2023 jylǵy 6 jeltoqsanda QR Oqý-aǵartý mınıstrligi Balalardyń quqyqtaryn qorǵaý komıtetiniń tóraǵasy Nasymjan Ospanova qańǵyǵan ıtterge qatysty másele kóterdi. Onyń aıtýynsha, osy jyldyń birinshi jartyjyldyǵynda elde qańǵyǵan ıtter 81 balany qapqan, sonyń saldarynan úsh búldirshin kóz jumdy.