Mańǵystaý oblysynyń Baýtıno aýylynda, Kaspıı teńiziniń jaǵalaýynynan tabylǵan óli ıtbalyqtarǵa qatysty oblystyq ákimdiktiń baspasóz qyzmeti málimdeme jasady, dep habarlaıdy aqshamnews.kz
Jergilikti bıliktiń málimetinshe, 24 qazanda 51 óleksesi, al 25-26 qazanda 100-den astam óleksesi tabylǵan. Barlyq ólekseler saraptamaǵa jiberildi.
«Gıdrobıologıa jáne ekologıa ınstıtýtynyń qyzmetkerleri toksıkologıalyq, gıstologıalyq jáne vırýsologıalyq zertteýler júrgizedi. Qazir alty maman oqıǵa ornynda jumys isteýde. Tabylǵan ıtbalyqtardyń deneleri qatty shirip ketken. Qazirgi ýaqytta ólekselerdi jınaý jumystary jalǵasýda, bul jerlerde jergilikti atqarýshy organdardyń qyzmetkerleri, balyq ınspeksıasy basqarmasy, aýdandyq polısıa bólimi, veterınarlyq ınspeksıa, gıdrobıologıa jáne ekologıa ınstıtýty men "Qazak Balyk" Respýblıkalyq balyq sharýashylyǵy qaýymdastyǵy fılıalynyń ókilderi jumys istep jatyr», – dep habarlady Mańǵystaý oblystyq ákimdiktiń baspasóz qyzmeti.
Esterńizge sala ketsek buǵan deıin Túpqaraǵan aýdanynyń Baýtın aýmaǵynda 151 ıtbalyqtyń óleksesi tabylǵanyn jazǵan bolatynbyz.