Fınalda Italıa quramasy Anglıa quramasyn Londondaǵy Ýemblı stadıonynda penaltıden jeńdi.
Eki qurama buǵan deıin 27 márte kezdesken. Onyń 10 kezdesýinde Italıa jeńiske jetip, 8-nde Anglıa basym tússe, qalǵanynda teń nátıje tirkeldi.
Esepti ekinshi mınýtta aǵylshyndar ashty. Oıynnyń 67-shi mınýtta ıtalándyqtar Leonardo Bonýchchıdyń golynan keıin tarazy basyn teńestirdi. Negizgi ýaqyt teń aıaqtaldy - 1:1.
Qosymsha ýaqyt ta teń nátıjemen aıaqtaldy. Penaltı serıasynda ıtalándyqtar qarsylasynan 3:2 esebimen basym tústi. Osylaısha, ıtalándyqtar tórtinshi ret Eýropa chempıonatynyń fınalynda oınap, ekinshi ret jeńimpaz bolyp otyr. Olar buǵan deıin 1968 jyly eýrony jeńip alǵan bolatyn.
Eske salaıyq, ıtalándyqtar toptyq kezeńde Túrkıany (3:0), Shveısarıany (3:0), Ýelsti (1:0) jeńgen bolatyn. Ekinshi kezeńde ıtalándyqtar Avstrıany (2:1), Belgıany (2:1) jáne Ispanıadan (1:1, 4:2 - penaltıde) basym tústi.