Bul ózgeris kelesi jyldan bastap engiziledi
QR BǴM habarlaýynsha, IT mamandyqtaryn ıgerýge nıettengen talapkerler UBT-da fızıka emes, ınformatıka pánin tapsyratyn bolady, dep habarlaıdy Almaty-akshamy.kz
Bilim jáne ǵylym mınıstrliginde atap ótilgendeı, IT-baǵyttary boıynsha JOO-da oqyǵysy keletin talapkerler úshin UBT tapsyrý kezinde beıindi pánder tizbesine «Informatıka» pánin engizý týraly kóptegen ótinishter kelip túsýde.
«Osyǵan baılanysty mınıstrlik taldaý júrgizip, 2022-2023 oqý jylynan bastap «Informatıka muǵalimderin daıarlaý», «Aqparattyq tehnologıalar» jáne «Aqparattyq qaýipsizdik» bilim berý baǵdarlamalary toptaryna túsetin oqýshylar UBT-da matematıka men fızıkanyń ornyna matematıka men ınformatıka kombınasıasyn tapsyrady dep sheshim qabyldady», - delingen vedomstvonyń habarlamasynda.
Bıylǵy oqý jylynda beıindik pán «Fızıka» bolyp qala beredi, bul rette talapkerlerdiń tańdaýy boıynsha naýryz aıynda ótetin UBT kezinde daıyndyqtyń osy baǵyttaryna túsý úshin «Matematıka+Informatıka» kombınasıasyn tańdaý opsıasy qosymsha qoljetimdi bolady.