Jyl saıyn AQSH túrme qabyrǵalarynda on myńdaǵan tutqyn ıslamdy qabyldaıdy.
Bul jaıynda islam.kz portaly óz kezeginde CBS agenttigine jón siltegen WION world is one aqparat kózine silteme jasaı otyryp málim etedi, dep habarlaıdy aqshamnews.kz.
«CBS Mornings» toptamasynyń sońǵy bóliminde «Lıza Lıngpen rýhanıattyń jaı-kúıi» ("The State of Spirituality with Lisa Ling,") jazasyn óteýshilerdiń nelikten dinge ótetini zerttelgen eken.
«Taıba» qory AQSH-ta tutqyndarǵa ıslamı bilim berý boıynsha qashyqtan oqytý baǵdarlamasyn usynǵan alǵashqy uıym. Ramı Nsýr - uıymnyń quryltaıshy dırektory.
Aqparat agenttigine bergen suhbatynda Ramı Nsýr eki kúnniń birinde onyń poshta jáshigi eldiń túkpir-túkpirinen kelgen tutqyndardyń ıslamı taǵlymnan ótýge qatysty nusqaýlyqty surap jazǵan hattarǵa tolyp qalatynyn habarlady.
«Biz osydan 15 jyl buryn bastaǵan kezde musylman tutqyndarynan estigen negizgi qajettilik osy boldy», - dedi Ramı Nsýr aqparat agenttigine. «Osylaısha, biz bul uıymdy osy olqyylyqtyń ornyn toltyrý jáne osy qajettilikti óteý úshin qurdyq», - dep tolyqtyrdy ol sózin.
Búgingi tańda Tayba Foundation 13 000 astam adamǵa qyzmet kórsetken eken. Ramı Nsýranyń dereginshe, olardyń 90%-ǵa jýyǵy ıslam dinin qabyldaǵan jáne olardyń kópshiligi temir tordyń arǵy jaǵynda qabyldaǵan. Ol, sondaı-aq, AQSH túrmesinde ıslam dinin qabyldaıtyn adamdar sanynyń artýynyń negizgi sebebin aıtty. Táni de, jany da qapasta qalǵan adamdardyń rýhanı erkindikti dinı senimnen tabatynyn alǵa tartty.