Cortical Labs startapy jańa tehnologıalyq jetistikke qol jetkizip, bıologıalyq kompúterdi tanystyrdy.
Bul kompúter CL1 dep atalady jáne onyń basty ereksheligi — adam mıynyń tiri jasýshalaryn qoldanýynda. CL1 bıokompúteri neırondyq jelilerdi modeldeý jáne zertteý úshin jasalǵan, bul tehnologıa ǵylymı zertteýler men medısınalyq tájirıbelerde jańa múmkindikter ashyp otyr.
CL1 bıokompúteri qalaı jumys isteıdi?
CL1 kompúteriniń qurylymy erekshe jáne jańashyldyqqa toly. Injenerler adam mıynyń baǵanaly (stvolovye) jasýshalaryn kremnıı chıpterimen biriktire otyryp, neırondyq jelilerdiń jumysyn qaıta jasaıdy. Bul proses bıologıalyq jáne jasandy elementterdiń úılesimdi jumysyn qamtamasyz etedi, nátıjesinde bıokompúter tabıǵı neırondyq belsendilikti paıdalanýǵa múmkindik beredi.
CL1-diń artyqshylyqtary men qoldaný salalary
Medısına salasynda CL1 bıokompúteri jańa dári-dármekterdi ázirleý jáne synaqtan ótkizýge arnalǵan úlken múmkindik beredi. Buryn dárilerdi testileý úshin kóptegen janýarlardy paıdalaný qajet bolsa, endi bıokompúter arqyly naqty adam mıynyń jasýshalaryn qoldaný arqyly dárilerdiń tıimdiligin aldyn ala tekserýge bolady. Bul jańa ádis synaqtyń dáldigin arttyryp, ýaqytty únemdeýge múmkindik beredi.
Tehnologıa salasynda, ásirese robototehnıka men jasandy ıntellekt salalarynda CL1 kóptegen jańa múmkindikter ashady. Neırondyq jelilerdiń kómegimen kompúterler men robottar adam mıynyń tabıǵı fýnksıalaryna jaqyn jumys isteı alatyn bolady. Bul óz kezeginde mashınalyq oqytýdyń damýyna jáne robottardyń ıntellektin arttyrýǵa úlken áserin tıgizedi.
CL1-diń bolashaǵy
Cortical Labs bıokompúteri jyl sońyna qaraı satylymǵa shyǵady, onyń baǵasy 35 000 AQSH dollaryn quraıdy. Bul baǵa ǵylymı zertteýler men jańa tehnologıalardy engizý jolyndaǵy úlken qadam bolyp tabylady. CL1 bıokompúteri bolashaqta túrli salalarda jańa dáýirdiń bastalýyna sebepshi bolýy múmkin.