Budan buryn sý tasqyny jaıly jalǵan aqparat taratqandarǵa aıyppul salynǵanyn habarlaǵanbyz.
İİM ózderin memlekettik qyzmetkerler dep tanystyryp, el azamattaryna telefon soǵatyn alaıaqtardyń jańa sqemasy týraly aıtty, dep habarlaıdy Almaty-akshamy.kz
QR İİM resmı ókili Shyńǵys Álekeshevtiń aıtýynsha, sońǵy kezderi ótemaqy tóleýge úmittengen azamattarǵa memlekettik organnyń atynan alaıaqtar qońyraý shalyp, adamnyń apattan zardap shekkender tiziminde ekenin rastaıtyn SMS-habarlamanyń kodyn talap etý jaǵdaılary jıilep ketken.
"Shyn máninde, bul kodtyń arqasynda alaıaqtar jábirlenýshiniń atyna iri kólemde nesıe rásimdeı alady, óıtkeni memlekettik organdar men bankterdiń qyzmetkerleri eshqashan telefon arqyly qupıa aqparatty talap etpeıdi. Jábirlenýshilerge ótemaqy tóleý máseleleri tek resmı túrde: jeke barǵan kezde nemese resmı veb-resýrstardy paıdalana otyryp sheshiledi", - dedi Shyńǵys Álekeshev Ortalyq komýnıkasıalar qyzmetinde ótken brıfıńte.
Osyǵan baılanysty İshki ister mınıstrligi: jeke derekterińizdi, derektemelerińizdi, jaramdylyq merzimin, bank kartasynyń úsh tańbaly kodtaryn eshkimge jarıa etpeýdi alǵa tartady. Sonymen qatar, SMS jáne kodtyq qupıa sóz túrinde alynǵan kodtardy eshkimge aıtpaýǵa keńes beredi.
"Sonymen qatar kúmándi siltemelerdi basýǵa bolmaıdy, óıtkeni siz telefonyńyzǵa alaıaqtarǵa ıesiniń atynan bank operasıalaryn júrgizýge múmkindik beretin qaýipti vırýs juqtyrýyńyz múmkin. Polıseıler qyraǵy bolýdy, qupıa derekterińizdi saqtaýdy jáne tek resmı aqparat kózderine senýdi usynady", - dep qosty Shyńǵys Álekeshev.