Dıetolog irimshikti belgili bir mólsherde ǵana jeýge keńes beredi
Mamandar bul ónimdi jıi tutyný birqatar aýrýlarǵa ákelýi múmkin deıdi. İrimshikti belgili bir mólsherde qoldaný adam densaýlyǵy úshin paıdaly, alaıda kúndelikti tutyný kezinde ony normasynan artyq paıdalanǵan kezde, densaýlyqqa zıanyn da tıgizýi múmkin. Bul týraly Almaty-akshamy.kz tilshisi REN-tv saıtyna silteme jasap habaraıdy.
İrimshiktiń zıany qandaı?
İrimshikti kún saıyn qoldaný júrek-qan tamyrlary aýrýlarynyń damýyna, birinshi kezekte, aterosklerozǵa ákelýi múmkin ekenin SPbGÝ medısınalyq fakúltetiniń dosenti, medısına ǵylymdarynyń kandıdaty, dıetolog dáriger Andreı Bobrovskıı eskertti.
Onyń ústine, dárigerdiń aıtýynsha, irimshikti shekten tys qoldaný basqa da aýrýlardyń damýyna áser etýi múmkin.
«Nesep-tas aýrýy men gıpertonıa irimshikti esh oılanbaı kóp tutynýdan bolýy múmkin. Sonymen qatar, irimshiktiń kóptegen túrlerinde tuzdyń mólsheri kóp bolady, al bul kóptegen aýrýlardyń asqynýy úshin trıgger bolyp sanalady», - dedi Andreı Bobrovskıı.
Dıetolog kúnine 100-150 gram syr qoldanýǵa bolatynyn eskertti. Ónimdi osynsha mólsherde paıdalaný densaýlyqqa zıansyz.
Ónimniń paıdasy
Dıetologtyń aıtýynsha, reseılikter irimshikti kóp tutynady. Bizdiń elde de dúken sórelerinde bul ónimniń birneshe túri bar. Soǵan qaraǵanda ony qoldanatyndar az emes. İrimshik aqýyzǵa jáne amınqyshqyldarǵa baı keledi, tez qorytylady jáne jalpy aǵzanyń jumysyna paıdasy mol.
Onyń ústine, dárigerdiń aıtýynsha, bul ónimdi, ásirese, qysta tutynǵan paıdaly. Sebebi onyń quramynda B tobynyń dárýmenderi bar.
«Tún uzara túsken qys aılarynda, ıaǵnı kún jaryǵy azaıǵan shaqta - bul qańtar jáne aqpan aılary - B12 dárýmeni uıqy rıtmin qalypqa keltiredi, kúnniń jetispeýshiligimen baılanysty depressıanyń aldyn alý quraly retinde paıdaly bolyp keledi», - dep túsindirdi sarapshy.
