«Almaty – bizdiń ortaq úıimiz» aksıasy aıasynda óskeleń urpaqty tabıǵı resýrstarǵa jaýapkershilikpen qaraýǵa tárbıeleýge baǵyttalǵan tanymdyq joba iske qosyldy.
Jobaǵa qatysýshylar tájirıbeli gıdterdiń jetekshiligimen ekotýrızm negizderi boıynsha tegin oqýdan ótýge, aımaqtyń baı bıoártúrliligimen tanysýǵa jáne ony saqtaýdyń tıimdi ádisterin meńgerýge múmkindik alady, dep habarlaıdy almaty-akshamy.kz.
Oqytý onlaın rejıminde aptasyna 3 ret 2 akademıalyq saǵattan júrgiziledi: Kýrs baǵdarlamasy qatysýshylarǵa yńǵaıly ýaqytta óz betinshe oqýǵa arnalǵan «Ekologıalyq ómir salty», «Ekomarshrýttarda neni bilý jáne ne isteý kerek», «Tabıǵat jáne adamdar» atty úsh modýlden turady:
Kýrsty aıaqtaǵannan keıin qatysýshylar tájirıbeli gıdterdiń jetekshiligimen 14 mamyrdan 30 shildege deıin úsh praktıkalyq oqý saparyna qatysa alady. Joba aıaqtalǵannan keıin qatysýshylar IRBIS ALMATY ekotýrıstik sertıfıkatyn alady, al olardyń úzdikteri 2024 jyldyń qyrkúıeginde ótetin týrısik rallıde marapattalady.
«Almaty-2024» Alpınıada (turclub.kz) saıtynda tirkeý ashyq. Bastama ekologıalyq bilim, ekologıalyq menedjment jáne belsendi týrızm salasyndaǵy kúsh-jigerdi biriktirýge arnalǵan, onyń negizgi maqsaty qorshaǵan ortamen jaýapty jáne turaqty ózara árekettesýge daıyn kóshbasshylardyń jańa býynyn daıyndaý bolyp tabylady.