Jazalanǵan eki adamǵa «Basıdj» qyzmetkerlerin óltirdi degen aıyp taǵylǵan.
Iranda 2023 jyly 7 qańtarda byltyr qyrkúıekte bastalǵan narazylyqqa qatysqan eki adam darǵa asyldy dep habarlaıdy Almaty-akshamy.kz inbusiness.kz silteme jasap.
CNN telearnasy narazylyqqa qatysqany úshin ólim jazasyna kesilgender sany tórteý bolǵanyn jazdy.
22 jastaǵy Muhammad Mehdı Karamıge jáne 39 jastaǵy Muhammad Hýsseınıge "Basıdj" qyzmetkerlerin óltirdi dep aıyp taǵylǵan. Bul is boıynsha taǵy úsh adam ólim jazasyna kesilip, 11 adam túrmege otyrǵyzylǵan.
Amnesty International jazýynsha, aıyptalýshylardy kúshpen moıyndatqan. Hýsseınıdiń advokaty jeltoqsanda ózi qorǵap otyrǵan azamattyń aıaýsyz azaptalǵanyn, kúshpen moıyndatý zańsyz ekenin málimdegen.
Al Iran bıligi kúshpen moıyndatqanyn joqqa shyǵarǵan.