Tikushaq Ázirbaıjannan qaıtyp kele jatqan.
Iran prezıdenti Ibragım Raısıdi áketip bara jatqan Mı-171 tikushaǵy apatqa ushyrady, dep habarlaıdy Almaty-akshamy.kz
Irandyq jáne basqa da buqaralyq aqparat quraldarynyń apat jaıly, bortta bolǵandardyń jaǵdaıy týraly aqparaty ár alýan. Biraq bolǵan oqıǵa jaıly alǵashqy málimetter apattyń sebebi tumandy aýa-raıynan bolýy múmkin ekenin kórsetken.
Bortta Irannyń syrtqy ister mınıstri Hoseın Amır Abdollahıan da bolǵan.
«Irna» aqparat agenttigi vıse-prezıdent Mohsen Mansýrıdiń Ibragım Raısıdiń qasyndaǵylar apattan keıin birneshe ret baılanysqa shyqty degenin habarlady. Mansýrıdiń aıtýynsha, joıqyn apat emes.
«Delegasıa úsh tikushaqqa mingen. Prezıdent mingen tikushaq pen basqalarynyń arasynda baılanys joǵalyp ketken. Sosyn qalǵan eki tikushaq izdeýge kirisken. Ekıpaj músheleri baılanysqa shyqty, soǵan qaraǵanda, joıqyn apat bolmaǵan. Oqıǵa ornyna áskerler men «Qyzyl jarty aı» qutqarý brıgadalary attandy», dedi Mohsen Mansýrı.