Eki eldiń qaýipsizdigin qamtamasyz etý úshin.
Iran Qarýly Kúshteri Bas shtabynyń basshysy Muhammad Hoseın Bagerı Qytaı Qorǵanys mınıstri Veı Fenheniń Tehranǵa sapary kezinde Iran men Qytaı qorǵanys salasyndaǵy yntymaqtastyqty nyǵaıtý qajettigi týraly kelisti, dep habarlaıdy Almaty-akshamy.kz Interfax.ru silteme jasap.
«Qytaı Qorǵanys mınıstrimen kezdesýde biz birlesken áskerı oqý-jattyǵýlar, jedel tájirıbe almasý, oqý-jattyǵý jáne eki eldiń áskerıleri arasyndaǵy basqa da birlesken is-sharalarda ekijaqty yntymaqtastyqty keńeıtý týraly kelistik. Osylaısha biz eki eldiń qaýipsizdigin qamtamasyz ete alamyz», - degen Muhammad Hoseın Bagerıdiń sózin «Al-Arabıııa» telearnasy jarıalap otyr.
Óz kezeginde Iran Prezıdenti Ibragım Raısı Veı Fenhemen kezdesýinde Iran-Qytaı qarym-qatynasyn strategıalyq dep atady. Bul rette ol Tehran men Beıjiń arasyndaǵy 25 jyl merzimge yntymaqtastyq týraly kelisimge toqtaldy.
2021 jyldyń naýryz aıynda Iran men Qytaıdyń Syrtqy ister mınıstrleri Djavad Zarıf pen Van I eki el arasyndaǵy 25 jyl merzimge jan-jaqty strategıalyq seriktestik týraly kelisimge qol qoıdy. Kelisim 20 baǵytta, atap aıtqanda, saıasat, atqarýshy bılik arasyndaǵy yntymaqtastyq, mádenı, quqyqtyq, qorǵanys, qaýipsizdik salalaryndaǵy ózara is-qımyl, sondaı-aq óńirlik jáne halyqaralyq máseleler boıynsha qarym-qatynastardy damytýdy kózdeıdi.