Áıelge kámeletke tolmaǵandardy saýdalap, jalǵan qujat jasaǵany úshin izdeý jarıalanǵan
QR İshki ister mınıstrligi Interpoldyń Ulttyq ortalyq búrosy 39 jastaǵy Shymkent qalasynyń turǵynyn elge qaıtardy, dep habarlaıdy Almaty-akshamy.kz.
Atalǵan shara ońtústik koreıalyq áriptestermen birlese otyryp, júzege asyrylǵan.
Áıelge kámeletke tolmaǵandardy saýdalap, jalǵan qujat jasaǵany úshin izdeý jarıalanǵan.
«Buǵan deıin áıel qyz týyp, onyń qujattaryn qoldan jasap, bıologıalyq balasyn úshinshi tulǵaǵa berý úshin zańsyz ota jasatqan. Osyǵan baılanysty fıgýrantqa halyqaralyq izdeý jarıalandy», - delingen habarlamada.
Ońtústik Koreıadan deportasıalanyp, Qazaqstanǵa kelgennen keıin ony Almaty áýejaıynyń jelilik polısıa bóliminiń qyzmetkerleri ustap, ýaqytsha ustaý ızolátoryna qamady.