Internetke táýeldilikten qalaı arylamyz?
Sońǵy ýaqytta julynymyz ǵalamtorǵa baılanyp qalǵandaı kórinedi. Barlyǵyn osy arqyly sheshemiz. Onsyz hat-habar, baılanys joq sıaqty. Tipti bir ústeldiń basynda otyrǵan jandar tildesýden qalyp barady. Keıde bir-birine habarlama jiberý nátıjesinde ıshara bildiredi. Munyń sońy tilsizdikke alyp kelmeı me?! Vırtýaldy pikir almasqan jón-aq. Degenmen, qarym-qatynas jasap, sóılesip, adamnyń mımıkasyn ańǵarǵannan artyq ǵanıbet bar ma?.
Ásirese, jas býyn osyǵan áýes. Qattyraq aıtqanda, bas almaıdy. Kúndiz uıyqtap, túsinde áleýmettik jelide otyrady. Ǵalamtorǵa baılanǵan. Basqaǵa nazar aýdara qoımaıdy. Ósip jetilip, jas shybyqtaı shıratylyp kele jatqan sátte qozǵalys az bolýda. Oınaý, sekirý, júgirý jaǵy kende qalǵan. Bul qala men dalada birdeı oryn alyp jatqan jaǵdaı. Bundaı jaǵdaıattar eshkimge tańsyq bolmaı tur.
Paıdasy men zıany. Narsha Býlgakbaev «Internet pen áleýmettik jelini qoldaný kezinde sizdiń nazaryńyzdy aýdarý úshin olar sizge aýdıo-vızýaldy mıǵa shabýyl jasaıdy» deıdi. Buǵan asa bas qatyrýdyń qajeti joq. Negizi 2-3 saǵat ǵalamtordy qoldansańyz, biraz sharýany tyndyrasyz. Odan artyǵy júıkege aýyr. Ábden sharshatady, qaljyratady. Al bizder osy normany ustap júrmiz be? Árıne, olaı deı almaımyz. Keńselik qyzmetkerler osynyń aldyn alý úshin túrli jattyǵý jasaıdy. Sonymen qatar, kaktýs t.b bólme gúlderin ósiredi. Bular zıandy energıany ózine tartady eken.
Sol sebepti de basqalarymyz qoldan kelgenshe atalǵan máselelerge nazar aýdarǵanymyz abzal. Aıtylǵandar kádege jaraıtyn qarapaıym nárseler bolyp tabylady.
Ǵalamdy shyrmaǵan ǵalamtor. Jýrnalıser arasynda «Kim aqparatty jetik ıgeredi, sol ǵalamdy basqarady» dep jatady. Osy sózdiń búginde aýqymy keńeıgen. Bálkim zamannyń yǵy da solaı bolyp turǵan shyǵar. Deıturǵanmen qazirgi aqparattyń kóptigi sondaı, qorytyp úlgermeımiz. Mıdy toltyryp tastaǵan. Óıtkeni qajetsiz, kereksiz dúnıeler kóp. Bastysy mıdy jyldam sharshatady. Aqyr sońynda agresıaǵa dýshar etedi. Sondaı sátte oıǵa kelgen qorytylyp úlgermegen oıdy jarıalap jiberýge ákep soǵady. Onyń artynda qanshama adam tur. Al árkimderge neshe túrli baǵytta áser etýi múmkin.
Qorytyndy. Dańqty batyr Baýyrjan Momyshuly atamyz «Kóp turǵan sý sasıdy, oılamaǵan mı sasıdy» dep oı qaldyrypty. Sondaı óz jaıymen taýyp aıtylǵan naqyl sóz. Bárin paıymdap saraptaǵanda osyǵan saıady. Aıtarymyz - ár nársede balanstyń bolǵany abzal.