Olardyń jumysy tipti ǵalamtor qatań baqylanatyn elderde de gúldenip tur.
Týrızm jáne sport vıse-mınıstri Mıras Tólebaev Qazaqstanda onlaın-kazınolarǵa tyıym salynǵanyn, resmı býkmekerlik qyzmetke lısenzıa qajet ekenin, alaıda mundaı sharalardyń jetkiliksiz ekenin atap ótti, dep habarlaıdy Almaty-akshamy.kz
"Ókinishke oraı, bul máseleniń ámbebap sheshimi joq. Internet-kazınolar tipti ǵalamtor qatań baqylanatyn elderde de gúldenip tur", - dedi vıse-mınıstr.
Sheneýnik uzaq ýaqyt boıy negizgi qural tyıym salynǵan ınternet-resýrstardy buǵattaý bolǵanyn habarlady. Máselen, 2023 jyly bılik 4 myńnan astam zańsyz kazıno men býkmekerlik saıttardy buǵattaǵan.
"Uıymdastyrýshylar dereý basqa saıttar ashyp, tyıym salynǵan qyzmetin jalǵastyryp jatyr", - dedi spıker.
Vıse-mınıstr qumar oıyndar týraly zań kúshine engennen keıin onlaın-kazıno uıymdastyrýshylar QR QK-niń 307-baby boıynsha qylmystyq jaýapkershilikke tartylatynyn atap ótti.
Sondaı-aq, ol qumar oıyn bıznesiniń zańdy uıymdastyrýshylarynyń tizimi mınıstrlik saıtynda jáne e-lısenzıalaý portalynda qoljetimdi ekenin aıtty.