Jedel-izdestirý is-sharalary barysynda ınternet-alaıaqtarǵa kómektesip, jábirlenýshilerdiń aqshalaryn jymqyratyn qylmystyq toptar anyqtaldy, dep habarlaıdy aqshamnews.kz Polisia.kz-ke silteme jasap.
Arnaıy operasıany Jetisý oblysy PD Kıberpol qyzmetkerleri qaraǵandylyq jáne soltústikqazaqstandyq áriptesterimen birlesip, QR İİM kıberqylmysqa qarsy kúres ortalyǵy, sondaı-aq óńir prokýratýrasynyń úılestirýimen júrgizdi.
– Tintý barysynda 35 uıaly telefon, 135 sım-karta, 2 pnevmatıkalyq tapansha jáne 3 qymbat kólik tárkilendi. Búgingi tańda 80 jábirlenýshi anyqtaldy, olardyń shyǵyny 100 mln teńgeden asady. Tárkilengen mobıldi qurylǵylardy taldaý jalǵasýda jáne jábirlenýshiler sany men keltirilgen zalal somasy aıtarlyqtaı ósýi múmkin, – dep atap ótti PD bastyǵynyń orynbasary Eldar Abdıkenov.
Qazirgi ýaqytta osy qylmystyq is boıynsha tergeý áreketteri júrgizilip jatyr. Tárkilengen mobıldi qurylǵylarda banktik qosymshalar bar, olardyń kómegimen qaskóıler ınternet-alaıaqtyqtyń qurbany bolǵan azamattardyń qarajatyn jymqyrǵan. Polıseıler azamattardy qyraǵy bolýǵa jáne jeke derekterdi basqa adamdarǵa bermeýge, telefondarǵa belgisiz qosymshalar ornatpaýǵa shaqyrady. Sonymen qatar ınternettegi qarjylyq operasıalardy júrgizý kezinde saq bolýdy eskertedi. Eger siz alaıaqtyqtyń qurbany boldym dep kúdiktenseńiz, bul týraly dereý quqyq qorǵaý organdaryna habarlańyz.