Internet-alaıaqtar shetelge, sonyń ishinde Iran, Úndistan, Qytaı, AQSH jáne Malaızıa azamattaryna qońyraý shalyp, olarǵa "joq" ınvestısıalyq mámileler jasaýdy usynǵan.
47 shetel azamaty, sondaı-aq Qazaqstannyń 5 azamaty ustaldy, dep habarlaıdy aqshamnews.kz
Olardyń shetel azamattaryna 2 myńnan astam qońyraý shalǵany anyqtaldy. Tintý barysynda 1,5 myńnan astam telefon, 57 noýtbýk pen kompúter, myńnan astam sim-karta tárkilendi. Qazirgi ýaqytta ustalǵandardyń qazaqstandyqtarǵa qatysty ınternet-alaıaqtyq jasaýǵa qatysy bar-joǵy tekserilip, tergeý amaldary jalǵasyp jatyr. İshki ister mınıstrligi alaıaqtardyń qurbany bolmas úshin azamattardy qyraǵy bolýǵa shaqyrady.
Qarapaıym saqtyq sharalaryn saqtaýdy umytpańyzdar. Sizge messendjerler men áleýmettik jelilerde jiberiletin kúmándi siltemelerge ótpeńiz. Eger silteme boıynsha ótip qoısańyz, onda messendjerińizdi qosylyp turǵan basqa qurylǵylardan ajyratyńyz. Beıtanys abonentterdiń beıneqońyraýlaryna jaýap bermeńiz.
"Eger bireý telefon arqyly nesıe resimdeýdi, múlikti satýdy nemese aqshany "qaýipsiz" shotqa aýdarýdy usynsa – senbeńiz. Quqyq qorǵaý organdary men bank qyzmetkerleri mundaı operasıalardy eshqashan telefon arqyly júrgizbeıdi. Jeke derekterińizdi, bank kartasynyń jaramdylyq merzimin, CVV-kodyn eshkimge bermeńiz. Kúmándi ınvestısıalyq jobalarǵa aqsha salmańyz. Investısıa jasamas buryn qor naryǵyn jáne jobanyń ózin muqıat tekserý qajet. Telefonyńyzǵa qosymshalardy ornatý úshin tek resmı AppStore jáne PlayMarket platformalaryn paıdalanyńyz. Ózińizge jáne jeke aqparattaryńyzǵa muqıat bolyńyz! Polısıa árqashan janyńyzda! Alaıda kóp nárse sizdiń qyraǵylyǵyńyzǵa baılanysty ekenin esten shyǵarmańyz!" – dedi departament bastyǵy – İİM resmı ókili Shyńǵys Alekeshev.