Instagram jastar úshin qaýipsiz bolýy tıis
Instagram áleýmettik jelisiniń basshysy Adam Mosserı ınternet keńistiginde jasóspirimderdiń qaýipsizdigin arttyrýǵa baǵyttalǵan birqatar fýnksıalar iske qosylatynyn málimdedi, dep habarlaıdy Almaty-akshamy.kz
«Instagram jastar úshin qaýipsiz bolýy shart. Biz osy baǵytta uzaq ýaqyt boıy jumys istep kelemiz. Osy jumys aıasynda Instagram-da jastardyń qaýipsizdigin arttyrýǵa kómektesetin jańa quraldar men múmkindikterdi jarıalaımyz», delingen Adam Mosserıdiń habarlamasynda.
Olardyń keıbireýlerin kelesi jyly iske qosý josparlanýda.
Osylaısha, ata-analar men qamqorshylar jasóspirimderdiń qosymshada qansha ýaqyt ótkizetinin kórip, balalary úshin ýaqyt shekteýlerin belgileı alady. Sonymen qatar, kompanıa AQSH, Ulybrıtanıa, Irlandıa, Kanada, Jańa Zelandıa jáne Avstralıada úzilis jasaý fýnksıasyn iske qosady. Bul múmkindikti testileý týraly Instagram qarasha aıynda habarlady.
Sondaı-aq, jasóspirimder bireýge shaǵymdanyp jatsa, balalardyń ata-analary sol paıdalanýshylarmen baılanys ornata alady.