40-tan astam adam kúıip qalǵan
Indonezıalyq qutqarýshylar Iava aralyndaǵy Semerý janartaýynyń atqylaýynan keıin úıindi astynda qalǵan 10 adamdy evakýasıalady, dep habarlaıdy Almaty-akshamy.kz QazAqparat agenttigine silteme jasap.
Tabıǵı apattan zardap shekkenderge kómek kórsetý jónindegi ulttyq agenttik ókiliniń aıtýynsha, janartaý belsendiliginiń kúsheıýi saldarynan bir adam qaza taýyp, 40-tan astamy kúıip qalǵan, olardyń keıbiri aýrýhanada jatyr. Sonymen qatar, jergilikti turǵyndar ornalasqan birneshe úıdi qum, laı, kúl basqan.
Semerý - Iava aralyndaǵy eń bıik shyń jáne Indonezıadaǵy 130-ǵa jýyq belsendi janartaýlardyń biri. Semerý janartaýynyń budan burynǵy atqylaýy osy jyldyń qańtar aıynda boldy.