Jeksenbide Indonezıanyń Shyǵys Iava provınsıasynda (Iava araly) Semerý janartaýy atqylady. Bul týraly Indonezıanyń tabıǵı apattardyń saldaryn joıý jónindegi ulttyq agenttigi málim etti, dep habarlaıdy Almaty-akshamy.kz Inform.kz-ke silteme jasap.
Janartaý kúl men tútin baǵanasyn 1,5 myń metr bıiktikke laqtyryp jibergen. Janartaýǵa 5 shaqyrymnan jaqyn qashyqtyqqa jaqyndaýǵa tyıym salynady. Atqylaýdyń qandaı da bir saldary týraly aqparat joq.
Sonymen qatar, Japonıanyń ulttyq meteorologıalyq basqarmasy qazirgi ýaqytta sýnamıdiń paıda bolý qaýpine baılanysty alynǵan málimetterdi zerttep jatqany týraly eskertý jasady. Eger sýnamı bolsa, onda tolqyndar Ońtústik Okınava prefektýrasyndaǵy shetki araldarǵa jetýi múmkin.
Semerý janartaýy dál bir jyl buryn 4 jeltoqsanda atqylaǵan bolatyn. Saldarynan 50-den astam adam kóz jumdy. Semerý – Iava aralyndaǵy eń bıik shyń. Indonezıa aýmaǵynda 130-ǵa jýyq belsendi janartaý bar.