Indonezıanyń astanasy Djakartada Dımash pen Qazaqstannyń mádenıetine arnalǵan 10 kúndik kórme ótti.
İs-shara qonaqtaryna oryndaýshynyń konsertteriniń biri kórsetildi, sondaı-aq Qazaqstannan sýretter men kádesyılar usynyldy, dep habarlaıdy Almaty-akshamy.kz Dimashnews.com saıtyna silteme jasap.
Kórme 2022 jylǵy 29 maýsymnan 8 shildege deıin «Indonezıa Respýblıkasynyń Ulttyq kitaphanasynda» ótti. İs-sharany Qazaqstan Respýblıkasynyń Indonezıadaǵy Elshiligi men Indonezıa Respýblıkasynyń Nur-Sultandaǵy Elshiliginiń qoldaýymen Dımash Qudaıbergen DIDFC Indonezıalyq fan-klýby uıymdastyrdy.
İs-shara barlyq nıet bildirýshiler úshin tegin jáne ashyq boldy. Ashylý rásimi qyzyqty ótti. Dears barlyq qonaqtar úshin Dımashtyń «Daıdıdaý» jáne «Lúbov ýstavshıh lebedeı» ánderimen tańǵajaıyp qoıylymdar daıyndady, olar túpnusqada da, ındonezıalyq nusqada da shyrqaldy.
Muhtar Áýezovtiń «Eńlik-Kebek» atty belgili poemasyn oqyp, qazaqstandyq oryndaýshynyń shyǵarmashylyǵymen tanysqannan keıin qazaq tilin belsendi meńgere bastaǵan Dımashtyń jankúıeri Tıta Djadjosman qonaqtardy tań qaldyrdy.
Sondaı-aq, kórmeniń ashylý kúni barlyq qonaqtar úshin Dımashtyń «D-Dynasty» konsertin tamashalaý uıymdastyryldy.
Osydan keıin resmı ashylý rásimi ótti. Didfc fan-klýby jáne eki elshilik ókilderi alǵy sóz sóıledi.
Kórmede Dımashtyń fotosýretteri, onyń shyǵarmashylyǵy týraly aqparat, sondaı-aq Qazaqstannyń sýretteri men kádesyılary, onyń ishinde kelýshiler tamashalaı alatyn dombyra men dástúrli kıimder usynyldy.