Qazaqstannyń birinshi, álemniń 20-raketkasy Elena Rybakına Indıan-Ýells WTA 1000 týrnıriniń shırek fınalynda
Qazaqstandyq tenısshi tórtinshi aınalymda álemniń 51-raketkasy, shveısarıalyq Vıktorıa Golýbıchpen kezdesti, dep habarlaıdy Almaty-akshamy.kz Ulttyq olımpıada komıtetine silteme jasap.
Júlde qory 8,4 mln AQSH dollaryna baǵalanǵan osy jarystyń ekinshi aınalymynda shveısarıalyq sportshy taǵy bir qazaqstandyq Iýlıa Pýtınsevany tartysty oıynda jeńip ketken bolatyn. Iý.Pýtınsevanyń ketken esesin E.Rybakına qaıtardy. Ol saǵat jarymdaı ýaqytqa sozylǵan machta qarsylasyn 7:6 (7:5), 6:3 esebimen qapy qaldyrdy. Elena 5 eıs jasap, 3 breık-poıntty túgeldeı paıdalandy. Golýbıch 2 breık-poınttyń bireýin ǵana óz esebine jaza aldy.
Rybakına jartylaı fınalǵa shyǵý úshin álemniń 6-raketkasy, grekıalyq Marıa Sakkarımen talasady