«Bul qadamdar jeńil ónerkásip salasynyń kásiporyndaryna qoldaý kórsetip, olardyń óndiristik qýatyn keńeıtýge jáne jańa jumys oryndaryn ashýǵa múmkindik beredi. Jeńil ónerkásip ónimderin óndirýge arnalǵan taýarlardyń jekelegen túrlerine kedendik bajdardy tóleýden bosatý qarastyrylǵan. Sondaı-aq jeńil ónerkásip kásiporyndarynyń neǵurlym arzan jáne yńǵaıly óndiristik alańdarǵa, jalpy ınfraqurylymdyq qyzmetterge, jeńildetilgen ákimshilik rásimderge, jeńildetilgen salyq salý men qarjylandyrýǵa qol jetkizýin qamtamasyz etý úshin mınıstrlik jeńil ónerkásip taýarlaryn qyzmettiń basym túrleriniń tizbesi 9 arnaıy ekonomıkalyq aımaqta engizdi», – dedi spıker.
Saladaǵy barlyq jumysty uıymdastyrý úshin memlekettik qoldaý sharalarynyń bolýy mańyzdy. Osy oraıda satyp alý/satý kezinde otandyq taýarlarǵa basymdyq berý kózdelgen. Memlekettik organdar memlekettik qoldaýdy keńeıtýge, básekege qabiletti ónimdi arttyrýǵa, sondaı-aq ekonomıkanyń túrli salasyna ınvestısıa tartýǵa baǵyttalǵan otandyq kásiporyndardy qoldaý boıynsha belsendi jumysty jalǵastyrady. Atalǵan sharalar daıyn ónim kóleminiń ósýine, sondaı-aq jeńil ónerkásiptiń damýyna yqpal etedi.